Markalaust í logninu á Króknum
Það var boðið upp á markalaust jafntefli á Sauðárkróksvelli í kvöld þegar Tindastóll tók á móti Þrótti úr Vogum. Leikurinn var í heildina frekar tilþrifalítill en það voru þó heimamenn í Tindastóli sem voru nær því að skora en þegar upp var staðið skiptu liðin stigunum bróðurlega á milli sín þó svo að bæði hafi þurft á fleiri stigum að halda.
Leikið var á aðalvellinum á Króknum í kvöld í blankalogni og var meira að segja boðið upp á sól í fyrri hálfleik. Lið Þróttar var í heildina meira með boltann í leiknum en vörn Stólanna og miðja var sterk og með Lamanna á kantinum var stöðug ógn af skyndisóknum Tindastóls. Lamanna var klaufi að koma ekki sínum mönnum yfir eftir fimm mínútna leik þegar hann komst á auðan sjó eftir mistök í vörn Þróttar en Tom Lohmann í marki gestanna varði hinsvegar glæsilega. Arnar Ólafs hitti ekki boltann í dauðafæri eftir undirbúning Lamanna og færin voru Tindastólsmanna í fyrri hálfleik.
Þróttarar komust betur inn í leikinn í síðari hálfleik á meðan að nokkuð virtist draga af heimamönnum. Þróttarar björguðu þó á línu skalla eftir hornspyrnu um miðjan síðari hálfleik og síðan jókst pressa gestanna þegar á leið og þeir sendu fleiri menn fram í sóknina. Stólarnir ógnuðu sem fyrr með skyndisóknum en úrslitasendingarnar klikkuðu. Þrátt fyrir pressu fengu Þróttarar engin dauðafæri í leiknum og fjórir háværir en kurteisir stuðningsmenn þeirra prísuðu sig sæla í leikslok.
Nokkur forföll voru í liði Tindastóls í kvöld. Benni og Arnar Skúli voru báðir í leikbanni og Hólmar Skúla og Jón Gísli voru fjarri góðu gamni og munar um minna. Þeir sem inn komu stóðu fyrir sínu og sem fyrr segir voru heimamenn óheppnir að ná ekki að skora í leiknum. Þeir hafa hinsvegar verið of fáir leikirnir þar sem Stólunum hefur tekist að halda hreinu og það var ánægjulegt að ná því í kvöld.
Þetta eina stig sem náðist í kvöld dugði til að komast upp að hlið Hattar, bæði lið með 11 stig en Stólarnir í fallsæti með verri markatölu. Huginn og Leiknir Fáskrúðsfirði gerðu jafntefli í kvöld og er Leiknir því með 12 stig en Huginn 6. Næsti leikur Tindastóls er mikilvægur en þá fara strákarnir í Garðinn og spila við Víði sem er með 13 stig en Víðismenn misstu í kvöld unnin leik niður í jafntefli á 94. mínútu.
Áfram Tindastóll!
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.