Maddie með 52 framlagspunkta í sigri Stólastúlkna
Kvennalið Tindastóls hóf leik í 1. deild kvenna í körfubolta nú undir kvöld. Stelpurnar heimsóttu þá sameinað lið Hamars og Þórs Þ. og var spilað í Hveragerði. Lið Tindastóls fór vel af stað en heimastúlkur svöruðu fyrir sig í öðrum leikhluta og voru tveimur stigum yfir í hálfleik. Í þriðja leikhluta gekk allt upp hjá liði Tindastóls sem náði góðu forskoti og sigraði leikinn örugglega 76-89.
Það var Ingibjörg Fjóla sem gerði fyrstu stig Stólastúlkna á þessu keppnistímabili og gestirnir náðu fljótlega ágætri forystu, 6-12. Heimastúlkur jöfnuðu 16-16 en góðar körfur frá Maddie, Evu Rún og Ksenju tryggðu 17-24 forystu eftir fyrsta leikhluta. Heimaliðið hóf annan leikhluta af krafti og komst yfir, staðan 30-26 þegar leikhlutinn var hálfnaður og mest náðu þær átta stiga forystu. Maddie og Eva löguðu stöðuna fyrir hlé en staðan í hálfleik var 40-38.
Jafnræði var með liðunum fyrstu mínútur þriðja leikhluta en síðustu sjö mínúturnar gerðu Stólastúlkur 21 stig en lið Hamars/Þórs átta og staðan því 59-72 fyrir lokaleikhlutann. Heimastúlkur náðu að minnka muninn í sex stig en karfa frá Telmu setti fyrir lekann og Stólastúlkur náðu í kjölfarið góðum kafla og gerðu út um leikinn.
Madison Anne Sutton átti afbragðsleik fyrir lið Tindastóls; gerði 35 stig, hirti 22 fráköst og átti tíu stoðsendingar. Hún setti niður öll 13 vítin sem hún tók í leiknum og var með 52 í framlag! Eva Rún gerði 24 stig. Þá átti Ksenja Hribljan fínan leik en hún skilaði 14 stigum, sex fráköstum og sex stoðsendingum. Ingibjörg Fjóla gerði sjö stig.
Fín byrjun hjá Jan Bezica og stúlkunum hans. Næsti leikur er í Síkinu næstkomandi laugardag en þá mæta sterkar ÍR-stúlkur til leiks.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.