Lokaleikur Stólastúlkna áætlaður 8. nóvember 2020
Þá hefur KSÍ sett upp leikjaplan fyrir lokaumferðir Íslandsmótsins í knattspyrnu sem stefnt er á að fram fari í nóvember. Síðasta umferðin í Pepsi Max deild karla á að fara fram 30. nóvember en fjórum umferðum er ólokið í þeirri deild. Áætlað er að Stólastúlkur spili síðasta leik sinn í Lengjudeildinni sunnudaginn 8. nóvember kl. 14:00 á Króknum en Stólapiltar spila í 3. deildinni á Vopnafirði 7. nóvember og gegn Sandgerðingum hér heima laugardaginn 14. nóvember.
Strákarnir eru, eftir því sem Feyki sýnist á stigatöflunni, enn í fallhættu og varla nema eitt hjól undir bílnum þegar síðasti rúnturinn verður tekinn. Það yrði þó einstök óheppni ef önnur úrslit féllu þannig að Stólarnir færu niður í 4. deild.
Það er meiri hamingja í herbúðum Stólastúlkna sem ættu að geta tekið við bikar fyrir glæstan sigur í Lengjudeildinni að loknum síðasta leik hér heima – ef það verður þá fært milli landshluta. Verra er þó að könutríóið okkar nær ekki leiknum að öllu óbreyttu þar sem þær eiga að vera farnar heim fyrir leik. Samkvæmt upplýsingum Feykis eru þær þó verulega spenntar fyrir því að spila síðasta leikinn og er verið að skoða möguleikana í stöðunni.
Þá er enn alls óvíst að grænt ljós verði gefið á fótboltaleiki í nóvember þó að líkurnar hafi ekki minnkað síðustu daga eftir heldur jákvæðari fréttir af baráttunni við COVID-19.
Fleiri fréttir
-
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.