Liði Tindastóls spáð fjórða sæti í 1. deild kvenna
Keppni í 1. deild kvenna í körfubolta fór af stað í gær þegar lið Ármanns og Hamars/Þórs mættust í Laugardalshöllinni. Fyrr um daginn voru opinberaðar spár forsvarsmanna liðanna, fjölmiðlamanna og Körfunnar.is. Sé litið til þeirra stiga sem lið Njarðvíkur fær þetta árið eru þær nokkuð örugglega í efsta sæti í spánni. Liði Tindastóls er aftur á móti spáð fjórða sæti í öllum spánum.
Fyrstu leikir Tindastóls verða um næstu helgi en þá verður tvíhöfði í Síkinu. Það er lið Vestra sem kemur í heimsókn frá Ísafirði en fyrri leikur liðanna verður laugardaginn 26. september kl. 16:00 en síðari leikurinn á hádegi daginn eftir.
Fyrirkomulagið í 1. deild kvenna verður þannig að spilaðar verða þrjár umferðir, hvert lið spilar 24 leiki, sem þýðir þá að ýmist fá liðin tvo heimaleiki eða einn í innbyrðisviðureignum sínum. Eftir að deildin klárast í vor (vonandi) verðaspiluð undanúrslit fjögurra efstu liðanna og svo úrslit um sæti í Dominos deildinni á milli sigurvegara þeirra einvígja. Miðað við þessa spá fyrir tímabilið ættu Grindavík, ÍR og Tindastóll að vera nokkuð örugg með sín sæti í þeirri úrslitakeppni auk Njarðvíkur.
Hér fyrir neðan gefur að líta sjá spá forsvarsmanna liðanna í 1. deild kvenna. Fjölmiðlamenn og Karfan.is voru einnig spár og voru þær keimlíkar þessari en þó spáðu fjölmiðlamenn Grindavík í efsta sæti og Njarðvík í öðru sæti. Allar spárnar gerðu ráð fyrir að lið Tindastóls endaði í fjórða sæti.
1. Njarðvík 234
2. Grindavík 194
3. ÍR 183
4. Tindastóll 174
5. Hamar/Þór 118
6. Stjarnan 97
7. Vestri 83
8. Fjölnir B 80
9. Ármann 52
Mest var hægt að fá 243 stig í spánni, minnst 27 stig.
Heimild: Karfan.is
Fleiri fréttir
-
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.