Lið Húnvetninga tryggði sætið í 3. deildinni með öruggum sigri
Síðasta umferðin í 3. deildinni í knattspyrnu fór fram á laugardaginn. Lið Kormáks/Hvatar var í tæknilegri fallhættu því ef allt færi á langversta veg þá átti lið Vængja Júpíterst möguleika á að skríða upp fyrir Húnvetningana. Svo fór að sjálfsögðu ekki því K/H tók völdin gegn liði KH strax í byrjun leiks og endaði í níunda sæti 3. deildar þegar upp var staðið. Lokatölur í leik þeirra gegn botnliði KH voru 3-0.
Leikið var á Blönduósvelli og það var nokkuð ljóst að heimamenn, sem höfðu tapað átta leikjum í röð í deildinni, urðu að setja fyrir lekann. Byrjunin lofaði góðu því Ingvi Rafn kom sínum mönnum yfir eftir fimm mínútna leik og Benjamín Jóhannes (Benni) skrúfaði fyrir alla taugaveiklun með því að bæta við öðru marki heimamanna fjórum mínútum síðar en það var hans fyrsta mark í sumar. Það var síðan á 71. mínútu sem Goran Potkozarac gerði þriðja og síðasta mark leiksins.
Það var ljóst fyrir leikinn að KH var fallið en sem fyrr segir áttu Vængir Júpiters séns á að komast upp fyrir Húnvetninga. Lið Kormáks/Hvatar þurfti þá að tapa stórt og Vængirnar að vinna stórt en átta marka sveiflu þurfti til að þessi staðan yrði uppi á teningunum. Sókn Vængjanna gerði sitt besta, liðið gerði sjö mörk í Eyjum gegn liði KFS, en vörnin var ekki eins spræk því leikurinn í Eyjum endaði 6-7 fyrir Vængi Júpiters. Þessar reikningskúnstir reyndust hins vegar algjör tímasóun því Húnvetningar kláruðu sitt af öryggi.
Lið Kormáks/Hvatar verður því áfram með í 3. deildinni næsta sumar. Í spá sérfræðinga hjá Fótbolta.net í byrjun tímabils var Húnvetningum spáð 11. sæti og þar með falli. Reyndar hittu sérfræðingar ekki á hvaða lið féllu eða fóru upp þannig að það er spurning hvort þeir haldi sérfræðinganafnbótinni. Það fór svo að Sindri endaði sem sigurvegari 3. deildar eftir 8-2 mulning á liði ÍH því liði Dalvíkur/Reynis tókst aðeins að gera 2-2 jafntefli á heimavelli gegn Augnabliki. Bæði Sindri og D/R enduðu með 47 stig. Stórtap ÍH olli því að það færðist niður fyrir Kormák/Hvöt á markatölu.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.