Laufey Harpa Halldórsdóttir fékk farandbikar Stefáns og Hrafnhildar
Í gær var Laufeyju Hörpu Halldórsdóttur, fótboltakonu á Sauðárkróki, veittur farandbikar og skjöldur til minningar um Stefán Guðmundsson, fyrrverandi stjórnarformann Kaupfélags Skagfirðinga, og konu hans Hrafnhildi Stefánsdóttur. Bikarinn var fyrst veittur fyrir um áratug og hefur sú athöfn farið fram jafnhliða úthlutun menningarstyrkja Kaupfélags Skagfirðinga.
Vegna Covid ástands var fólki ekki stefnt saman á síðasta ári frekar en nú og frestaðist að afhenda bikarinn. Nú var hins vegar ákveðið að bíða ekki lengur og afhenda viðurkenninguna í látlausri athöfn í húsnæði KS á Ártorgi.
Í greinargerð viðurkenningarinnar segir:
„Laufey Harpa Halldórsdóttir er fædd árið 2000. Hún var ekki gömul þegar hún byrjaði að æfa knattspyrnu með liði Tindastóls. Hún vakti snemma athygli og það var ljóst að þar var á ferð góð íþróttakona. Laufey hefur þroskast vel sem knattspyrnukona og hefur að undanförnum árum spilað stórt hlutverk í liði Tindastóls. Á síðasta tímabili var hún í liði m.fl. kvenna sem vann sér keppnisrétt í efstu deild kvenna, Pepsí Max deildinni. Laufey var þar ein af burðarásum liðsins.“
Þetta er vitaskuld ársgömul upptalning og ýmislegt sem hefur breyst. Stelpurnar í Tindastól búnar að leika í deild hinna bestu og Laufey Harpa búin að skipta um félag þar sem hún mun leika með Breiðablik á næstu leiktíð.
„Það er mikilvægt að breyta til og taka þau tækifæri sem bjóðast þannig að það eru mjög spennandi tímar framundan,“ segir Laufey sem væntanlega fer suður um miðjan janúar. Hún stundar nú nám í kennarafræðum í fjarnámi frá Háskólanum á Akureyri. Hún segir það hafa verið mjög erfitt að kveðja uppeldisfélagið og heimabæinn en ákveðið að taka skrefið og reyna sig á öðrum miðum. „Ég hlakka samt til að fylgjast með Tinastól í sumar og vona að þeim gangi vel!“
Það voru þeir bræður Ómar Bragi og Stefán Vagn sem veittu Laufeyju viðurkenninguna sem kennd er við foreldra þeirra.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.