Getulausir Stólar á Dalvík
Strákarnir í Tindastól skelltu sér yfir á Dalvík í gær þar sem heimamenn í Dalvík/Reyni tóku á móti þeim í fimmtu umferð þriðju deildarinnar. Dallasmenn skoruðu þrjú mörk í leiknum en Stólastrákar núll. Tindastóll er á botni þriðju deildarinnar með eitt stig en Dalvík í því fjórða með átta stig.
Liðsmenn Dalvík/Reynir voru betri aðilinn allan leikinn, sérstaklega framan af leik. Tindastólsdrengir áttu í mestum erfiðleikum með að tengja saman sendingar og voru því heimamenn mun meira með boltann í fyrri hálfleik. Pressa stólanna var lítil sem engin og fengu heimamenn í Dalvík hvert færið á fætur öðru, og hverja hornspyrnuna og aukaspyrnuna. Það var síðan á 42. mínútu, rétt fyrir lok fyrri hálfleiks, að Dalvík/Reynir fékk aukaspyrnu úti á hægri væng, aðeins fyrir utan teig. Jón Heiðar Magnússon, vinstri bakvörður heimamanna lét vaða á markið úr spyrnunni, lágan bolta en fastann, sem Atli Dagur misreiknaði og boltinn lá í netinu. Staðan í hálfleik var því 1:0 fyrir heimamönnum í Dalvík, en forysta heimamanna hefði hæglega geta verið meiri.
Dalvík/Reynir voru betri aðilinn áfram í byrjun seinni hálfleiks og á 51. mínútu skoraði Gunnar Örvar Stefánsson fyrir heimamenn og staðan orðin 2:0. Þá loksins vöknuðu Stólarnir og fóru að sækja, áttu nokkur hálf færi en besta færið var sennilega þegar að Arnar Ólafs skallaði boltann rétt fram hjá eftir fyrirgjöf frá Hólmari Daða. Allt kom fyrir ekki og stólunum tókst ekki að minnka muninn. Dalvík/Reyni tókst hins vegar að auka muninn 90 mínútu þegar að Kristján Freyr Óðinsson skoraði með snyrtilegu skoti, 3:0 fyrir heimamönnum og þannig urður lokatölur leiksins.
Það er ljóst að Stólarnir þurfa að bæta leik sinn til muna ef þeir ætla að eiga mannsæmandi tímabil í sumar í 3. deildinni. Þeir þurfa að fá meira út úr spánverjunum tveimur og Pape Mamadou Faye þarf betri þjónustu fremst á vellinum. Feykir er þó bjartsýnn á að Stólarnir rífi sig í gang, en þeir mæta næst ÍH úr Hafnafirði í heimaleik á Króknum laugardaginn 12. júní.
/SMH
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.