Geggjaður endurkomusigur Stólastúlkna fyrir austan
Stólastúlkur skruppu austur á Reyðarfjörð í dag þar sem þær mættu sameinuðu liði Fjarðabyggðar/Hattar/Leiknis í 15. umferð Lengjudeildarinnar. Ekkert annað en sigur kom til greina í leiknum til að koma liði Tindastóls upp fyrir HK á töflunni og í annað sætið. Heimastúlkur náðu forystunni í fyrri hálfleik en dramatíkin var algjör síðustu 20 mínútur leiksins og fór svo á endanum að stelpurnar okkar nældu í dýrmætan 2-3 sigur.
Murr var ekki langt frá því að koma Stólastúlkum yfir en skaut í stöng eftir glæsilegan snúning í teignum. Það var Linli Tu sem náðu forystunni fyrir lið Austfirðinga á 33. mínútu og staðan 1-0 í hálfleik. Lið Tindastóls jafnaði metin á 73. mínútu með marki frá henni Murr okkar, skallaði boltann aftur fyrir sig í markið eftir langa sendingu frá Hrafnhildi. Melissa Garcia kom liði Tindastóls yfir á 77. mínútu eftir góðan undirbúning Aldísar Maríu en aðeins tveimur mínútum síðar jafnaði hin kínverska Linli Tu metin af harðfylgi en hún er búin að gera 14 mörk í sumar. Baráttan var mikil og allt undir á lokamínútunum og þá poppaði varnarjaxlinn Arna Kristins upp með sigurmark á 89. mínútu leiksins eftir að boltinn féll til hennar rétt utan markteigs eftir aukaspyrnu frá Hönnuh Cade. Annað markið hennar í sumar og bæði sigurmörk en áður hafði Arna skorað í 0-1 sigri á liði Fylkis í sumarbyrjun. Austfirðingar náðu ekki að ógna marki Tindastóls það sem eftir lifði og gerðu stelpurnar vel í því að halda boltanum innan liðsins og fjarri eigin marki.
Geggjaður 2-3 sigur því niðurstaðan og með því skaust lið Tindastóls upp fyrir HK-stelpurnar hans Guðna Þórs og í annað sætið þegar þrjár umferðir eru eftir. Aðeins munar einu stigi á liðunum og alveg öruggt að spennan verður óbærileg fram á síðustu mínútu mótsins.
Donni þjálfari var að vonum kátur þegar Feykir spurðist fyrir um leikinn. „Virkilega stór sigur fyrir okkur i toppbaráttunni. Við stjórnuðum leiknum vel en fengum á okkur mark gegn gangi leiksins. Við fórum vel yfir málin í hálfleik og náðum að skora þrjú góð mörk. Svakalegur barráttusigur og ég er mjög stoltur af stelpunum.“
Á fimmtudag kemur lið Fjölnis í heimsókn á Krókinn og á sama tíma mætast lið HK og Víkings í Kórnum. Áfram Tindastóll!
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.