Dúndurspenna á toppi Domino´s deildarinnar. Tindastóll sækir Njarðvík heim í Ljónagryfjuna
Tveir leikir fara fram í Domino´s deildinni í kvöld og þar með þeir síðustu í 21. og næstsíðustu umferð deildarinnar. Tindastóll getur með sigri jafnað Hauka sem ekki tókst að tryggja sér deildarmeistaratitilinn í gærkvöldi.
Fjórir leikir fóru fram í gær og má segja að leikur ÍR og Hauka hafi skipt Tindastól hvað mestu máli því Haukar gátu með sigri tryggt sér deildarmeistaratitilinn. Þeim brást hins vegar bogalistin, naumlega þó, því ÍR hafði betur 64:62. Þessi sigur ÍR-inga kom þeim upp fyrir Stólana á stöðutöflunni með jafnmörg stig en einum leik fleiri og betri stöðu í innbyrðis viðureignum. Úrslitin gefa þó Stólunum smá von um að landa deildarmeistaratitlinum, með sigri í þeim tveimur leikjum sem eftir eru og treysta því að hvorki Haukar né ÍR vinni sína síðustu leiki. Haukar hafa líka betur í innbyrðis viðureignum gegn Stólum sem og ÍR þannig að þeir standa best að vígi ef tvö liðanna verða jöfn.
Á Fésbókarsíðu körfuknattleiksdeildar Tindastóls kemur fram að leikur Tindastóls og Njarðvíkur verði að sjálfsögðu í þráðbeinni hjá TindastollTV enda klikka þeir ekkert frekar en fyrri daginn. „Viljum samt hvetja alla á stór höfuðborgarsvæðinu að að fjölmenna á leikinn og hvetja strákana hressilega,“ segir þar einnig og er óhætt að taka undir það.
Hinn leikur kvöldsins er á milli Stjörnunnar og Keflavíkur sem sitja í 7. og 8. sæti með 20 stig hvort og fer því það lið sem fer með sigur af hólmi upp fyrir hitt.
Sjá leikjaplan og úrslit HÉR
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.