Blikar í bóndabeygju í Síkinu
Blikar komu í Síkið í kvöld og mættu þar liði Tindastóls í sjöundu umferð Subway-deildarinnar. Reikna mátti með hörkuleik þar sem Stólarnir hafa verið að ná vopnum sínum að undanförnu eftir meiðslahrjáða byrjun á mótinu en lið Breiðabliks hefur aftur á móti leikið vel og sat fyrir leikinn í efsta sæti deildarinnar ásamt Íslandsmeisturum Vals. Þegar til kom reyndust Stólarnir mun sterkari aðilinn og eftir að hafa unnið annan leikhluta 34-8 þá var í raun aldrei spurning hvort liðið tæki stigin sem í boði voru. Lokatölur voru 110-75.
Blikarnir byrjuðu leikinn vel og komust í 0-5 en ekki leið á löngu uns heimamenn höfðu náð yfirhöndinni og létu forystuna aldrei af hendi eftir það. Eftir fimm mínútna leik var staðan orðin 16-9. Staðan var 30-25 að loknum fyrsta leikhluta eftir að Julio Afonso skellti í þrist um leið og flautan gall. Í öðrum leikhluta gekk allt upp hjá Stólunum en vörnin var spiluð með glans og sóknin fylgdi í kjölfarið. Fyrir hvert eitt stig sem gestirnir settu þá gerðu Stólarnir ríflega fjögur og þeir grænklæddu fundu engin svör við frábærum leik Tindastóls. Niðurstaðan 31 stigs munur í hálfleik og staðan 64-33.
Það má því segja að síðari hálfleikur hafi verið æfing í að halda einbeitingu og hleypa gestunum ekki inn í leikinn. Um miðjan þriðja leikhluta hafði aðeins dregið saman með liðunum og 24 stigum munaði en minnstur varð munurinn 21 stig í síðari hálfleik þannig að þetta próf stóðust Stólarnir með glæsibrag. Síðustu mínútu þriðja leikhluta nýttu Stólarnir vel; Drungilas settu tvo þrista og Keyshawn tvist og staðan 86-57 þegar fjórði leikhluti hófst, Síðasti dansinn var formsatriði en frekar bættu heimamenn í heldur en hitt og allir fengu að stíga sporin.
Frábær sigur gegn liði sem reyndist Stólunum erfitt síðasta vetur og hefur staðið sig frábærlega það sem af er veturs. Hittni Tindastólsmanna var talsvert betri en í síðasta leik í Grindavík enda töluvert meira skorað. Stigahæstur var Keyshawn með 24 stig en næstur honum kom Drungilas með 22 stig. Þá var Arnar með 13 stig, Zoran og Taiwo báðir með 12 og Raggi 11.
Í hinu svo gott sem frjálsskorandi liði Breiðabliks var Julio Afonso stigahæstur með 15 stig og Danero Thomas kom næstur með tíu stig. Það má því sjá að vörn Stólanna var osom í kvöld og hleypti gestunum aldrei í sinn leik.
Næsti leikur Tindastóls verður að Ásvöllum í Hafnarfirði þar sem okkar ástkæru Haukar bíða. Koma svo Tindastóll!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.