Baldur og Kata mæta til leiks í Rallý Reykjavík
Dagana 25. - 27. ágúst fer fram fjórða umferð í Íslandsmeistarmótinu í rallý, Rallý Reykjavík. Það er Bifreiðaíþróttaklúbbs Reykjavíkur sem stendur fyrir keppninni en klúbburinn hefur staðið fyrir keppnishaldi frá árinu 1977.
Fara keppendur síðan vítt og breytt en eknir verða tæplega 1.000 km á þessum þremur dögum. Hefst keppnin fimmtudaginn 25. ágúst klukkan 16:45 þegar ekið verður við Hvaleyrarvatn. Á föstudag verður ekið um Bjallarhraun, í nágrenni Heklu og á Kvartmílubrautinni í Hafnarfirði. Á laugardagsmorgunn liggur leiðin m.a. upp í Borgarfjörð þar sem ekið verður um Kaldadal en dagurinn endar hjá Djúpavatni í nágrenni Hafnarfjarðar. Keppninni líkur síðan laugardaginn 27. ágúst klukkan 15.00 við Perluna með tilkynningu úrslita.
Um tuttugu áhafnir eru skráðar til leiks, nýliðar og reynsluboltar í bland. Má sjá ýmis fjölskyldutengsl meðal keppenda, t.d. munu systkinin Daníel og Ásta Sigurðarbörn aka saman en bróðir þeirra Marian Sigðursson ekur ásamt Ísak Guðjónssyni.
Skagfirðingarnir Baldur Haraldsson og Katrín María Andrésdóttir mæta einnig til leiks reynslunni ríkari eftir síðustu keppni. Þórður Ingvason komst einnig á bragðið eftir að hafa unnið til verðlauna í Skagafjarðarrallinu í júlí en hann mun nú aka ásamt Snorra Sturlusyni á nýrri Subaru Impreza bifreið sinni. Bílaklúbbur Skagafjarðar mun því eiga 4 þátttakendur en alls taka 40 keppendur þátt eða 20 áhafnir.
Rallökumaðurinn Þorkell Símonarson ekur ásamt Þórarni K. Þórssyni á Toyota Hilux. Þeir félagar safna jafnframt áheitum til styrktar Grensás en í haust eru 30 ár síðan Keli slasaðist lífshættulega í bílslysi í Miklaholtshreppi. Keli, sem hafði verið á ferð með félaga sínum, var klipptur úr bifreiðinni er þeir lentu utan vegar. Flogið með þá suður til Reykjavíkur en Kela var ekki hugað líf. Eftir legu á Borgarspítalanum tók við erfið endurhæfing á Grensás en hann var ákveðinn í að lífið skyldi halda áfram. Það hefur honum tekist því þrátt fyrir að afleiðingar slyssins fylgi honum alla ævi er hann Íslandsmeistari jeppaflokks í rallý 2015 og rekur eigið fyrirtæki. Sannast því hjá honum að það er líf eftir slys og endurhæfingu, „það er hægt að halda áfram”
Keli og Þórarinn safna áheitum undir slagorðinu „Rallað fyrir Grensás” í samvinnu við Hollvinasamtök Grensás, hægt er að heita á þá í gegnum Facebook eða heimasíðu Hollvina Grensás, grensas.is.
Fleiri fréttir
-
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira -
Nýtt upphaf – í þjónustu við þjóðina | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 11.54Við í Samfylkingunni óskum eftir þínum stuðningi til að leiða breytingar sem nauðsynlegar eru fyrir Ísland. Við höfum átt í innihaldsríku samtali við þjóðina síðastliðin tvö ár og því ætlum við að halda áfram. Það að vera í þjónustu við þjóðina þýðir að hlusta og rækta samband við fólkið í landinu. Það höfum við gert og ætlum að gera áfram. Þetta samtal er grunnurinn að stefnu Samfylkingarinnar fyrir þessar kosningar sem birtist í Planinu, þremur útfærðum tillögum í efnahagsmálum, velferðarmálum og atvinnu- og innviðamálum.Meira -
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.