Amber og Jónas Aron best í Tindastól
Uppskeruhátíð meistaraflokka Tindastóls í fótbolta var haldin á veitingastaðnum Sauðá á Sauðárkróki sl. laugardagskvöld að viðstöddum allflestum leikmönnum liðanna, þjálfurum og stjórn. Þar voru bestu og efnilegustu leikmennirnir valdir ásamt bestu liðsfélögunum.
Þó uppskerubrestur hefði orðið hjá meistaraflokkum Tindastóls þetta sumarið þótti samt tilvalið að koma saman og kveðja þetta tímabil með von um ríkari uppskeru næst. Fótbolti er jú leikur sem býður upp á miserfiðar brekkur og stundum þarf að fagna þó ekki sé til annars en að undirstrika hve skemmtilegur leikurinn er þegar allt er á botninn hvolft.
Besti leikmaður kvennaliðs Tindastóls var valin Amber Michel en hún átti hvern stórleikinn á fætur öðrum í marki Stólanna. Annar markmaður liðsins, Margrét Rún Stefánsdóttir, var talinn sá efnilegasti en hún gat ekki tekið við sínum verðlaunum þar sem hún er í verkefni með landsliði U- 17 í undankeppni EM 2022. Besti liðsfélaginn var kjörin Anna Margrét Hörpudóttir.
Hjá strákunum þótti Jónas Aron Ólafsson hafa staðið sig best í sumar en hann mætti skilgreina sem miðjumann þó hann leysi fleiri stöður á vellinum þegar þess er þörf. Hann lék 20 leiki, gerði eitt mark en uppskar fjögur gul spjöld og eitt rautt, en líklega taldi það ekki í þessu uppgjöri.
Tindastóll er sérlega vel statt með markverði því efnilegasti leikmaðurinn var valinn hinn 16 ára Einar Ísfjörð Sigurpálsson og kom hann við sögu í fjórum leikjum í sumar og stóð sig með mikilli prýði.
Atkvæði féllu að jöfnu í kjöri um besta liðsfélagann en þar verða þeir Ísak Sigurjónsson og Anton Helgi Jóhannsson að skipta með sér tímanum sem þeir varðveita bikarinn sem þeir hlutu að launum.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.