Akureyringar sterkari á lokakaflanum og Maltbikarinn úr sögunni hjá Stólunum
Tindastólsmenn sóttu spræka Þórsara heim til Akureyrar í dag og var leikurinn liður í 16 liða úrslitum Maltbikarsins. Það var því sannkallaður Norðurlandsslagur sem boðið var upp á og stóð hann undir nafni því baráttan var í algleymingi. Stólarnir voru yfir í hléi en heimamenn komu einbeittir til leiks í síðari hálfleik og á lokamínútum leiksins reyndust þeir sterkari og sigruðu 93-81.
Stólarnir fóru betur af stað en Þórsarar jöfnuðu fljótlega og voru yfir 23-20 að loknum fyrsta leikhluta. Þegar annar leikhluti var hálfnaður var staðan 34-32 fyrir Þór en þá náðu Stólarnir, með Caird og Hester í stuði, góðum kafla og Stólarnir komust yfir, 36-42. Þórsarar gerðu næstu sjö stig og komust aftur yfir en Caird sá til þess að Stólarnir voru yfir í hálfleik, 44-50.
Stólarnir náðu mest níu stiga forystu í upphafi þriðja leikhluta en 3ja stiga karfa frá Darrel Lewis kveikti á Þórsurum. Þeir unnu sig hægt og sígandi inn í leikinn og Lewis jafnaði 63-63. Akureyringar höfðu frumkvæðið næstu mínútur en tvær körfur frá Hester og Pétri sáu til þess að Stólarnir voru einu stigi yfir, 70-71, fyrir lokafjórðunginn.
Heimamenn náðu forystunni fljótlega en þristur frá Hannesi kom Stólunum yfir, 75-76. Þórsarar svöruðu að bragði og jafnræði var með liðunum þar til sex mínútur voru eftir. Þá var eins og Stólarnir lentu á vegg í sóknarleiknum. Ingvi Rafn kom Þórsurum átta stigum yfir, 86-78, þegar fjórar mínútur voru eftir og eftir það leystist leikurinn upp í mikla varnarbaráttu og illa útfærðar sóknir. Tryggvi Snær og allir hans 216 sentimetrar reyndist Stólunum talsverð hindrun (sex blokkuð skot í leiknum) og Þórsarar sigldu heim sætum sigri.
Hester og Caird voru yfirburðamenn í liðii Tindastóls í dag. Hester gerði 32 stig og tók 11 fráköst en Caird gerði 27 stig og tók sjö fráköst. Aðrir leikmenn voru undir tíu stigunum og náðu sér ekki á strik. Lið Þórs er sterkt með einn kana og tvo hálfkana og risinn Tryggvi Snær verður bara betri með hverjum leik. Þá þekkja Stólarnir vel til getu Þrastar Leós og Ingva Rafns. Í liði Þórs var fyrrum Tindastólsmaðurinn, Darrel Lewis, öflugastur með 31 stig og átta fráköst.
Draumurinn um Maltbikarinn er því úti að þessu sinni og þá er ekkert annað í stöðunni en að óska Þórsurum velgengni í keppninni.
Fleiri fréttir
-
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.