Fréttir

Mánudagurinn 23. maí var að venju tekinn snemma og héldum við nú áleiðis til Opatja, sem er lítill sumarleyfisbær á Istruskaganum við hreinar strendur Adríahafsins. Árið 1974 dvaldist Ágúst í Opatja í þrjár vikur í skólaferðalagi Menntaskólans á Akureyri og hafði hann gaman af endurkomunni. Eftir að hafa spókað okkur í 28 gráðu hita í Opatja lögðum við af stað til Pula sem er syðst á skaganum og fengum gistingu á Vam hotel. Í bænum bjuggu um 83 þúsund manns þegar Uxarnir voru þarna á ferð og flugi. Í borginni er merkilegt hringleikahús byggt af Rómverjum árið 123 fyrir Krist, ekki ósvipað því sem er í Róm, þó minna að gerð.

Töluvert hefur rignt síðustu daga á norðanverðu landinu og mest á Siglufirði. Í gær, þriðjudag, var viðvarandi úrkoma en ekki sérstaklega mikil ákefð, segir í tilkynningu á vef Veðurstofunnar. Veðurspár gera ráð fyrir að það bæti í ákefð í nótt og rigni hressilega á miðvikudag og fimmtudag á Tröllaskaga. Gul veðurviðvörun er fyrir Strandir og Norðurland vestra um hádegi í dag og á það einkum við austantil á svæðinu og á utanverðum Tröllaskaga.

Húnahornið segir af því að Húnvetningurinn Reynir Finndal Grétarsson hafi áhuga á að eignast fasteignir í gamla bænum á Blönduósi og hann vinni að því að kaupa Aðalgötu 6 þar sem Hótel Blanda er og tvær íbúðir á Aðalgötu 8, í húsi sem heitir Helgafell. Hótelið hefur ekki verið í rekstri undanfarin misseri en eignarhaldsfélag sem átti húsið var úrskurðað gjaldþrota fyrir rúmu ári síðan.

Fram kemur á vef Blönduósbæjar að Sigríður Bjarney Aadnegard hefur verið ráðin leikskólastjóri og Kristín Birgisdóttir aðstoðarleikskólastjóri hjá leikskólum Húnabyggðar.

Samkvæmt upplýsingum Feykis er skemmtileg helgi að baki í Fljótum en Félagsleikar Fljótamanna gengu vel þrátt fyrir að veðurguðirnir hafi ekki verið sérlega samstarfsfúsir og boðið upp á frekar lásí veðurpakka þessa verslunarmannahelgina.

Egill Þór Pétursson er þriggja ára drengur býr á Laugarbakka í Húnaþingi-Vestra. Hann er með heilkenni sem kallast Snap25, sem einungis 30 einstaklingar í heiminum hafa greinst með og þar ef er Egill eini íslendingurinn. Foreldrar hans (Ragnheiður og Pétur) eru að byggja sér hús á Hvammstanga, húsið mun vera á einni hæð sem er mjög gott fyrir Egil.

Fimmtudaginn 19. maí voru Molduxarnir komnir á fætur kl. 7 eins og aðra morgna í ferðinni. Að loknum morgunverði ókum við af stað til Zagreb í níu manna bifreið er við höfðum tekið á leigu. Um morguninn hafði mágur Petars, Ivo bóndi, komið með bílinn frá Króatíu. Leiðin lá um fallegar sveitir Slóveníu að landamærum Króatíu þar sem við sóttum um vegabréfsáritun og gekk það nokkurn veginn þrautalaust fyrir sig. Ekki fór þó á milli mála við umsókn um dvalarleyfi að við vorum komnir að járntjaldinu sem var nýlega fallið.

Fram kemur á FB síðu Frjálsíþróttadeild Tindastóls að árangur frjálsíþróttakrakka úr Skagafirði á Unglingalandsmóti UMFÍ á Selfossi, sem fram fór um helgina, hafi verið frábær.

Fyrir strandveiðitímabilið í ár ákváðu stjórnvöld að til veiðanna færu veiðiheimildir sem samsvara verðmæti 35.089 tonna af loðnu. Þetta aflaverðmæti átti að tryggja 48 strandveiðidaga á núverandi veiðisumri, 12 veiðidaga á mánuði í fjóra mánuði maí til ágúst. Vilji Alþingis á síðasta kjörtímabili var að tryggja strandveiðar við landið í 48 daga á ári. Raunin varð önnur.

„Já, við komum hingað til að spila fótbolta, það var planið en í raun vissum við ekki svo mikið um hvert við værum að fara eða um gæði liðsins. Ég er ánægður með að við enduðum í liði Tindastóls!“ segir Anton Örth, annar sænsku tvíburanna sem spila með liði Tindastóls í 4. deildinni nú í sumar.