Glæsileg gjöf afhent á fjölskyldudeginum á hátíðinni Eldur í Húnaþingi
Egill Þór Pétursson er þriggja ára drengur býr á Laugarbakka í Húnaþingi-Vestra. Hann er með heilkenni sem kallast Snap25, sem einungis 30 einstaklingar í heiminum hafa greinst með og þar ef er Egill eini íslendingurinn. Foreldrar hans (Ragnheiður og Pétur) eru að byggja sér hús á Hvammstanga, húsið mun vera á einni hæð sem er mjög gott fyrir Egil.
Egill er duglegur drengur sem er alltaf að taka einhverjum framförum, hann hleypur um og alltaf eitthvað að brasa en jafnvægið er ekki upp á sitt besta hjá honum og er hann því oft á hausnum.
Núverandi nágranni Egils og foreldra hans, Hulda Signý Jóhannesdóttir, vildi gera eitthvað sem gæti hjálpað Agli með jafnvægið. Það er víst þekkt að það að koma fötluðum á hestbak getur hjálpað mikið til við jafnvægi og margt fleira og ákvað Hulda þess vegna að athuga hvort að það að koma Agli á hestbak væri möguleiki. Nágranni Röggu og Pésa hafði samband við verslunina Lífland, sagði þeim svolítið frá Agli Þór og bað þau mjög fallega um að styrkja Egil Þór með gjörð og þunnri dýnu. Svo krossaði nágranninn fingur og vonaði það besta. Þau hjá Líflandi voru nú ekki lengi að svara
„Okkur er sönn ánægja að styrkja Egil Þór um gjörð og undirdýnu. Gangi ykkur sem allra best í hreyfiþjálfun Egils Þórs. Við erum handviss um að hann á eftir að njóta góðs af því, bæði andlega og líkamlega, að komast reglulega á hestbak.”
Nágranninn sá svo um að afhenda Agli Þór og foreldrum hans gjöfina á fjölskyldudeginum á hátíðinni Eldur í Húnaþingi á Hvammstanga 23.júlí.
Frábært framtak hjá Huldu Signý og Líflandi!
/IÖF
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.