Wake Me Up Before You Go Go! í Miðgarði
Nemendur á unglingastigi Varmahlíðarskóla standa í stórræðum þessa dagana en í dag kl. 17 frumsýna þeir gleðisprengjuna Wake Me Up Before You Go Go! í Menningarhúsinu Miðgarði. Handritið er eftir Hallgrím Helgason, Íris Olga Lúðvíksdóttir leikstýrir og sýningin því eðlilega stútfull af gleði og söng. Að sýningu lokinni verður slegið upp balli en síðari sýningin verður annað kvöld, föstudaginn 13. janúar kl. 20, og að henni lokinni verður veislukaffi. Feykir lagði nokkrar spurningar fyrir Trostan Agnarsson skólastjóra.
„Að þessari sýningu koma allir nemendur á unglingastigi en þeir eru 33 í ár. Æfingatíminn er ekki ýkja langur, raunar er fyrst og fremst æft eftir áramót. Fyrir áramót er þó ákveðið hvaða leikverk verður fyrir valinu, raðað í hlutverk og byrjað að æfa dansa,“ segir Trostan aðspurður um hversu margir koma að sýningunni og hvernig undirbúningi er háttað.
Hvað er flóknast við að koma svona sýningu á svið? „Margt getur verið flókið í svona sýningu og á undirbúningstímabilinu. Það flóknasta er líklegast að fá alla til þess að lifa sig að öllu leyti inn í sýninguna og að verða önnur persóna um stundarsakir til þess að geta fært áheyrendur með sér í annan heim. Um leið má segja að það sé það skemmtilegasta við svona ævintýri því að þegar vel tekst til geta allir samglaðst eftir mikla vinnu og glaðst yfir sameiginlegum sigrum.“
Sem fyrr segir er það Íris Olga Lúðvíksdóttir sem leikstýrir og fær að njóta þess að samhæfa og samstilla hópinn í því stóra verkefni að flytja áhorfendur aftur í tímann í björgunarleiðangur.
Trostan segir að allmikill söngur sé í sýningunni og erfitt að segja til um hvað verður vinsælast. „Hvert og eitt lag gegnir ákveðnu hlutverki og verður tíminn að leiða í ljós hvað lifir lengst í huga áheyrenda. Tvær sýningar verða, annars vegar á fimmtudag og hins vegar á föstudag og ættu allir að geta notið þess að sjá sýninguna og hugsað um boðskapinn. Þeir sem eru hugsi eftir fyrri sýninguna gætu líka komið aftur á föstudag til þess að velta málum betur fyrir sér og líka til þess að velja sér uppáhaldslag.“
Wake Me Up Before You Go Go! Hvernig á þetta að geta klikkað?
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.