Völsungur hafði betur í Mjólkurbikarnum
Tindastóll og Völsungur mættust í kvöld á Sauðárkróksvelli en um var að ræða leik í fyrstu umferð í Mjólkurbikars karla. Gestirnir spila deild ofar en Stólarnir og mátti því reikna með erfiðum leik fyrir heimamenn og sú varð raunin. Húsvíkingar voru talsvert sterkari á svellinu en Tindastólsliðið varðist ágætlega framan af leik. Tvö mörk gestanna í síðari hálfleik þýddu að Stólarnir eru úr leik í Mjólkinni.
Lið Tindastóls er enn langt frá því að vera fullskipað fyrir átök sumarsins en keppni í 3. deildinni hefst 8. maí. Leikið var við frábærar aðstæður í kvöld því enn hefur ekki hreyft vind á Króknum þetta sumarið og í þokkabót var sæmilega hlýtt. Það varð fljótt ljóst að Húsvíkingar voru sterkari aðilinn, þeir héldu boltanum betur og áttu nokkur hálffæri og skot utan teigs sem Atli Dagur í marki Tindastóls tók af öryggi. Það má segja að Stólarnir hafi átt eina eða tvær efnilegar sóknir í fyrri hálfleik en gekk annars illa að halda boltanum innan liðsins. Staðan þó 0–0 í hálfleik.
Lið Tindastóls hélt boltanum aðeins betur í síðari hálfleik og kom sér betur inn í leikinn. Fyrsta mark leiksins kom á 60. mínútu en eftir efnilega sókn Húsvíkinga fengu þeir hornspyrnu og úr henni skallaði Aðalsteinn Friðriksson boltann í netið. Stólarnir reyndu að færa sig framar og fengu ágætt færi en boltinn var sendur himinhátt yfir. Leikurinn opnaðist nú og Atli Dagur hélt Stólunum inni í leiknum með stórbrotinn markvörslu á köflum. Heimamenn urðu fyrir blóðtöku eftir 70 mínútna leik þegar Konni fyrirliði varð að yfirgefa völlinn meiddur. Þar með fór ankerið úr liðinu og ekki leið á löngu þar til gestirnir bættu við seinna marki sínu. Það gerði Santiago Abalo, en hann vann boltann á miðsvæðinu og geystist óáreittur að vítateignum þar sem hann náði hörkuskoti, stöngin inn, óverjandi.
Síðustu mínúturnar voru ansi þreytulegar hjá heimamönnum en kófpásan hefur sett strik í reikninginn hjá liðunum í undirbúningnum fyrir komandi Íslandsmót. Vonandi styttist í jákvæðar fréttir varðandi leikmannamál Tindastóls.
Fleiri fréttir
-
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.