Vill að Hólar verði á pari við Þingvelli
Hólmfríður Sveinsdóttir, rektor Háskólans á Hólum, lagði út frá því í ávarpi sem hún flutti við brautskráningarhátíð skólans, að Háskólinn á Hólum skipti máli og mikilvægt sé að hann haldi áfram að vaxa og dafna. Hún telur að þrennt þurfi að gerast til að nýta tækifærin til fulls til að efla skólann.
Í fyrsta lagi sé mikilvægt að skilgreina hlutverk háskólans á Hólastað og setja fókus á skólastarfsemina og losa skólann undan þeim skyldum sem fylgja staðarhaldinu á Hólastað, í öðru lagi að byggja state of the art kennslu- og rannsóknarhúsnæði fyrir starfsemi skólans og í þriðja lagi að brýnt sé að auka samstarf við aðra háskóla. Hvað það atriði varðar hefur Feykir þegar sagt frá myndun háskólasamstæðu Háskóla Íslands og Háskólans á Hólum sem háskólaráð beggja skólanna hafa samþykkt.
Í ávarpi Hólmfríðar kom fram að hlutverk skólans varðandi staðarhald felist m.a. í þjónustu við ferðamenn, í viðhaldi minja og í þjónustu við íbúa staðarins. Þessu vill hún breyta. „Í mínum huga á að byggja Hólastað upp sem þjóðmenningarstað þar sem minjum, menningu og sögu staðarins verða gerð þau skil sem þeim ber. Ég er þeirrar skoðunar að Hólastaður eigi að fara undir forsætisráðuneyti Íslands og njóta sömu virðingar og vegsemdar og aðrir þjóðmenningarstaðir á Íslandi, eins og t.d. Þingvellir.“
Forsætisráðuneytið hefur, að sögn Hólmfríðar, tekið vel í þessa hugmynd og hefur skipað níu manna starfshóp sem í sitja fulltrúar frá fimm ráðuneytum ásamt fulltrúum frá vígslubiskupsembættinu á Hólum, Háskólanum á Hólum, SSNV og svf. Skagafirði. Starfshópunum er ætlað að skila af sér skýrslu um framtíðarskipulag Hólastaðar í byrjun október nk. „Það er von mín að Hólastaður muni í framtíðinni hafa fimm stoðir; háskólastoð, vígslubiskupsstoð, ferðaþjónustustoð, íbúaþjónustustoð sem og menningar- og sögustoð,“ segir Hólmfríður.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.