Við erum með gott lið og ætlum að vinna þetta í ár
Í kvöld fer Dominos-deild karla í körfubolta af stað og fær Tindastóll lið ÍR í heimsókn en þessi lið hafa eldað grátt silfur saman síðustu árin. Feykir hafði samband við Baldur Þór Ragnarsson, þjálfara Tindastóls, en hann segir að tímabilið framundan leggist vel í sig. „Það er í sjálfu sér lítið sem kemur mér á óvart. Mörg góð lið og þetta verður gaman,“ segir Baldur aðspurður um Dominos-deildina í vetur.
Ertu ánægður með æfingaleiki haustsins og undirbúninginn? „Já, ég er ánægður með leikina, gott að vera að spila körfubolta aftur og leikirnir hjálpuðu okkur í undirbúningi liðsins fyrir mót.“
Eru leikmenn Tindastóls klárir í slaginn í Dominos-deildinni? „Það eru smávægileg meiðsli hér og þar og við að fá leikmenn inn seinna plús sóttkví eins og önnur lið í deildinni. Þannig að fyrsta mánuðinn í mótinu mun vanta aðeins uppá leikform.“
Nú er rúmlega hálft ár síðan þú stýrðir Stólunum síðast í alvöru leik. Ertu orðinn spenntur að hefja leik að nýju og heldurðu að Covid eigi eftir að hafa áhrif á Dominos-deildina? „Ég er mjög spenntur og ánægður að við séum að byrja aftur. Ég hef engar áhyggjur af Covid en hins vegar verður bara að koma í ljós hvaða áhrif þetta hefur á mótið. Klárlega mun ástandið hafa áhrif á leikform fyrsta mánuðinn í mótinu svo ef lið lenda í því að fá Covid þá hefur það líka áhrif. Þetta er heimurinn í dag og við þurfum að vinna í þessu umhverfi og gera eins vel og við getum.“
Hvað finnst þér um um spár spekinga og fjölmiðlamanna sem ýmist eru að spá liði Tindastóls öðru eða efsta sæti í vetur? „Mér finnst það bara eðlilegt, við erum með gott lið og ætlum að vinna þetta í ár.“
Að lokum bendir Baldur Þór á að áhorfendur geta ýmist haft jákvæð eða neikvæð áhrif á leikinn. „Jákvæð áhrif eru hvetjandi og búa til orku fyrir liðið inni á vellinum, bæði þegar gengur vel og illa. Neikvæð áhrif er kvart, sérstaklega í dómurum, eða algjör þögn og stemmningsleysi – það gefur neikvæða orku. Hvernig áhrif vilt þú hafa?“
Leikurinn hefst venju samkvæmt kl. 19:15 í Síkinu og eru stuðningsmenn hvattir til að fjölmenna með jákvæðnina í farteskinu. Enda eiga menn að hafa vit á því að vera í góðu skapi, svo vitnað sé lauslega í mætan Skagfirðing. Áfram Tindastóll!
Fleiri fréttir
-
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.