Vel heppnað byggðasöguþing á Hólum
Föstudaginn 30. september s.l. buðu Sögufélag Skagfirðinga og ferðamálafræðideild Háskólans á Hólum til málþings í tilefni af því að lokið er ritun Byggðasögu Skagafjarðar. Boðið var upp á fjölda erinda sem fjölluðu um ritun byggðasögu frá ýmsum hliðum. Fjallað var meðal annars um mikilvægi þess fyrir samfélög að hafa ritaða sögu sína og hvernig Byggðasaga Skagafjarðar hefur aukið þekkingu ábúenda á næruhverfi sínu.
Margir þeirra sem töluðu á málþinginu fjölluðu um það hvernig hægt væri að miðla efni Byggðasögu Skagafjarðar með öðrum hætti en í prentuðu riti og mikilvægi þess að huga að framhaldslífi hennar. Þó ritun byggðasögunnar væri vissulega mikilvægur áfangi væri mikið starf eftir óunnið við að gera þennan gríðarlega gagnabanka aðgengilegan með öðrum hætti.
Líflegar umræður urðu á þinginu og greinilegt að áhugi á ritun héraðssögu er að aukast. Fleiri eru að átta sig á því hvers virði sagan er meðal annars sem innlegg í ímyndarsköpun samfélaganna.
Í tilefni af málþinginu var opnuð leitarvél fyrir mannanöfn í Byggðasögunni. Leitarvélin inniheldur um 30.000 mannanöfn og er aðgengileg á heimasíðu Sögufélags Skagfirðinga. sogufelag.skagafjordur.is
/UI
Fleiri fréttir
-
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira -
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.