Veist þú um ljósmyndir af Stefáni Þór Theodórssyni og föður hans Theodór Hallgrímssyni?
Núna reynir á mátt Facebook, segir á síðu Byggðasafns Húnvetninga og Strandamanna en þar er verið að setja saman litla sýningu um sögu Tunguness bæjarins og Austur-Húnavatnssýslu. „Okkur vantar ljósmyndir af Stefáni Þór Theodórssyni og föður hans Theodór Hallgrímssyni. Ef einhver ykkar á ljósmyndir af þeim feðgum væri frábært ef þið hefðuð samband við okkur á safninu,“ segir í færslunni.
Feykir hafði samband við Sólveigu H. Benjamínsdóttur, forstöðumanns safna í Húnaþingi vestra og sagði hún að á Byggðsafni Húnvetninga og Strandamanna á Reykjum í Hrútafirði stæði gamli Tungunesbærinn úr Austur – Húnavatnssýslu og sendi eftirfarandi texta:
„Bærinn var næsti bær við kirkjustaðinn Svínavatn sem stendur við samnefnt vatn. Þar nærri er vað yfir Blöndu og var Tungunes löngum gististaður ferðamanna áður en bílar komu til sögunnar.
Í Tungunesi var um 1850 reistur nýr bær, í brattri en gróinni hlíð þar sem mikið útsýni er um Langadal, Blöndudal og Vatnsskarð. Í Tungunesi var búið allt til loka sjötta áratugar 20. aldar. Bærinn í Tungunesi er talinn einstæður gripur í þróunarsögu íslenskrar byggingasögu þar sem hann er eini varðveitti bærinn á landinu, fyrir utan bæinn á Keldum á Rangárvöllum, með skálalagi því sem tíðkaðist á þjóðveldisöld. Bærinn var tekinn ofan 1988 og fluttur á Byggðasafn Húnvetninga og Strandamanna. Þá stóð aðeins framhluti hans uppi sem hefur að geyma 12m² stofu sem var aðal samkomusalur sveitarinnar um tíma og þótti hinn besti danssalur.
Sá sem lét reisa bæinn var einn af þekktustu Húnvetningum sinnar tíðar, Erlendur Pálmason dannebrogsmaður, látinn 1888. Síðustu ábúendur í Tungunesi voru Emilía Guðmundsdóttir, fædd 1893 og látin 1945, og eiginmaður hennar Theódór Hallgrímsson, fæddur 1900 og látinn 1969. Saman áttu þau soninn Stefán Þór Theódórsson, fæddur 1930 og látinn 2002. Hann bjó lengi með þeim í Tungunesi og aðstoðaði þau við búskapinn. Stefán gaf byggðasafninu Tungunesbæinn til varðveislu og er bærinn einn af lykilgripum safnsins. Nú á undanförnum árum hefur safnið staðið fyrir endurbótum á bænum og er búið að setja upp framhlið með torfhleðslu útliti. Einnig er á áætlun að setja upp litla sýningu um sögu Tungunes bæjarins og síðustu ábúendur hans.“
Þá er bara að kíkja í myndaalbúmin og athuga hvort myndir af þeim feðgum Stefáni Þór og föður hans Theodór Hallgrímssyni. Hægt er að hafa samband við safnið á Facebook eða Sólveigu H. Benjamínsdóttur á netfangið solveig@hunathing.is.
Fleiri fréttir
-
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira -
Nýtt upphaf – í þjónustu við þjóðina | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 11.54Við í Samfylkingunni óskum eftir þínum stuðningi til að leiða breytingar sem nauðsynlegar eru fyrir Ísland. Við höfum átt í innihaldsríku samtali við þjóðina síðastliðin tvö ár og því ætlum við að halda áfram. Það að vera í þjónustu við þjóðina þýðir að hlusta og rækta samband við fólkið í landinu. Það höfum við gert og ætlum að gera áfram. Þetta samtal er grunnurinn að stefnu Samfylkingarinnar fyrir þessar kosningar sem birtist í Planinu, þremur útfærðum tillögum í efnahagsmálum, velferðarmálum og atvinnu- og innviðamálum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.