Var að ljúka við að prjóna hestalopapeysu á ömmustelpuna mína sem fermist í vor
feykir.is
Austur-Húnavatnssýsla, Aðsendar greinar
19.05.2021
kl. 11.30
Björg Þorgilsdóttir er fædd og uppalin í Reykjavík ásamt sjö systkinum. Hún bjó lengst af í Ásgarði í Fossvoginum og gekk í Breiðagerðisskóla og Réttarholtsskóla.
Í dag býr Björg á Blönduósi en hefur búið í Austur-Húnvatnssýslu í 44 ár en áður bjó hún á Sveinsstöðum í Húnavatnsshreppi þar sem sonur hennar og tengdadóttir stýra nú búi. Hún á fjögur börn en auk sonar hennar á Sveinsstöðum búa tvö börn á Blönduósi en yngsta dóttirin býr í Reykjavík. Björg á níu barnabörn og þrjú barnabarnabörn, og bráðum verða þau fjögur.
- Hve lengi hefur þú stundað hannyrðir? Ég byrjaði ung í handavinnu með ömmu að prjóna og sauma út og átti margar gæðastundir með henni alla hennar tíð. Handavinna hefur verið partur af lífi mínu alla tíð.
- Hvaða handavinna þykir þér skemmtilegust? Allaveganna prjón og útsaumur þykir mér skemmtilegast
- Hverju ertu að vinna að þessar mundir? Ég er mjög oft með fingravettlinga á prjónunum eins og núna og er líka með nokkur önnur verkefni í gangi. Ég var t.d að ljúka við að prjóna hestalopapeysu á ömmustelpuna mína sem fermist í vor og ætlar að láta taka fermingarmyndir af sér í henni.
- Hvar fékkstu hugmyndina? Hún átti hugmyndina sjálf, hún sá mynd á instagram og ég bauðst til að prjóna peysuna fyrir hana.
- Hvaða handverk sem þú hefur unnið ertu ánægðust með? Ég er ánægðust með alla fingravettlingana sem ég hef prjónað en þau skipta tugum pörin sem ég hef prjónað, þetta er mynstur frá langömmu barnanna minna. Ég er einnig rosalega ánægð með svörtu rósóttu peysuna sem ég prjónaði á son minn síðastliðinn vetur, en ég prjónaði hana eftir peysu sem amma mín prjónaði á son sinn fyrir um 50 árum síðan.
Áður birst í 16. tbl. Feykis 2021.
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.