Unnur Valborg tekin við sem sveitarstjóri í Húnaþingi vestra
Kosið var til sveitarstjórna um allt land í byrjun sumars og eins og gengur urðu alls konar hrókeringar varðandi sveitarstjóra. Ragnheiður Jóna Ingimarsdóttir, sem gegndi starfi sveitarstjóra í Húnaþingi vestra, gaf ekki kost á sér til áframhaldandi starfa og í framhaldinu var Unnur Valborg Hilmarsdóttir, þáverandi framkvæmdastjóri SSNV, ráðin sveitarstjóri og tók hún til starfa nú í byrjun september.
Unnur gegndi starfi framkvæmdastjóra Samtaka sveitarfélaga á Norðurlandi vestra síðastliðin fjögur ár en þar áður var hún framkvæmdastjóri Selaseturs Íslands. Eiginmaður hennar er Alfreð Alfreðsson, húsasmíðameistari, en þau eiga þrjú börn og eitt barnabarn.
Í frétt á vef Húnaþings vestra segir: „Kjörtímabilið 2014-2018 var hún oddviti sveitarstjórnar í Húnaþingi vestra. Um árabil starfaði hún við ráðgjöf og námskeiðahald á fyrirtækjamarkaði. Unnur er með meistarapróf í opinberri stjórnsýslu frá Háskóla Íslands og B.Ed. próf frá Kennaraháskóla Íslands auk þess að hafa lokið diplomanámi í rekstri og stjórnun frá Endurmenntun Háskóla Íslands og stjórnendamarkþjálfanámi frá Opna Háskólanum og CoachU.
„Ég er full tilhlökkunar að takast á við þetta krefjandi verkefni. Fyrstu dagana hef ég nýtt í að heimsækja stofnanir sveitarfélagsins og það ágæta fólk sem þar starfar. Ég bý svo vel að þekkja samfélagið hér býsna vel og þekki þær áskoranir sem við stöndum frammi fyrir en ekki síður þau tækifæri sem hér er að finna. Stóra verkefnið er að finna jafnvægið milli þess að takast á við áskoranirnar og vinna ötullega að þeim tækifærum sem efla samfélagið enn frekar, í mínum huga eru þau tækifæri fjölmörg. Ég tek við afar góðu búi af fráfarandi sveitarstjóra, Ragnheiði Jónu Ingimarsdóttur, og vil þakka henni sérstaklega fyrir sín góðu störf í þágu samfélagsins á undanförnum árum’’ segir Unnur.“
Heimild: Húnaþing.is
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.