Tyrfingsstaðaverkefnið fær styrk
Vaxtarsamningur Norðurlands vestra hefur veitt Tyrfingsstaðaverkefninu styrk að upphæð 1,2 millj. kr. til að kynna verkefnið, skrá aðferðir og veita gestum upplýsingar. Tyrfingsstaðaverkefnið er samstarfsverkefni Fornverkaskólans, Byggðasafns Skagfirðinga, ábúenda á Tyrfingsstöðum þeirra Kristínar Jóhannsdóttur og Sigurðar M. Björnssonar, Fornverks ehf. og Braga Skúlasonar húsasmíðameistara.
Samstarf þessara aðila hófst í lok árs 2006 þegar Kristín Jóhannsdóttir eigandi Tyrfingsstaða og Sigríður Sigurðardóttir safnstjóri Byggðasafn Skagfirðinga undirrituðu samkomulag um að Byggðasafnið fengi að nota gömlu húsin á Tyrfingsstöðum sem vettvang fyrir námskeið í gömlu byggingahandverki. Með undirritun samningsins var lagður hornsteinn að mikilvægu samstarfi um varðveislu íslensk byggingahandverks og jafnframt að uppbyggingu húsa á Tyrfingsstöðum þar sem varðveist hefur fágæt minjaheild; bæjarhús, gripa- og fjárhús. Varðveisla handverksins liggur bæði í þeim húsum sem hefur og verður gert við, sem og hjá þeim nemendum sem ljúka námskeiðum á Tyrfingsstöðum. Það undirstrikar mikilvægi menningarminja á Tyrfingsstöðum og ekki síður starfsemi Fornverkaskólans að Þjóðminjasafn Íslands hefur valið Tyrfingsstaði í hóp þeirra torfhúsa sem tilnefndar verða á Heimsminjaskrá Menningarmálastofnunar Sameinuðu þjóðanna (UNESCO).
Styrkurinn verður nýttur til að setja upp upplýsingaskilti, vinna kynningarmyndband og halda utan um verkefnið og skrá þannig að það vinnist sem best.
Á skilti verður fjallað um sögu bæjarins í máli og myndum auk þess sem Tyrfingsstaðaverkefninu verða gerð skil. Upplýsingarnar verða bæði á íslensku og ensku. Gamli bærinn hefur lengi laðað að sér ferðamenn sem átt hafa leið um Skagafjörð og þeim hefur fjölgar jafnt og þétt eftir að uppbygging á Tyrfingsstöðum hófst. Það er nauðsynlegt að þeim sé bent á hvað ber fyrir augu og gefa þeim upplýsingar um nauðsynlegar umgengnisreglur. Kynningarmyndbandið verður gert aðgengilegt á veraldarvefnum og það verður fáanlegt á dvd diskum. Myndbandið er hluti af kennslumyndbandi um íslenskt byggingahandverk sem unnið er að. Hluti styrksins fer einnig til kostnaðar vegna annarra kynningarmála og samskipta við nemendur og samstarfsaðila.
/Byggðasafn Skagfirðinga
Fleiri fréttir
-
Sigur í æfiingaleik gegn FH í frumraun bandarísku stúlknanna
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 31.03.2025 kl. 15.53Lið Tindastóls í Bestu deild kvenna í knattspyrnu hefur samið við þrjár bandarískar stúlkur um að leika með liðinu í sumar. Það eru Grace Pettet sem er örvfættur varnarmaður, framherjinn Makala Woods og markvörðurinn Genevieve Crenshaw en hún er reyndar enn ekki kominn með leikheimild þó Donni þjálfari sé bjartsýnn á að það styttist í það. Áður var búið að segja frá því að hin þýska Nicole Hauk væri genginn til liðs við lið Tindastóls.Meira -
Íbúasamráð um sameiningarviðræður Dalabyggðar og Húnaþings vestra
feykir.is Vestur-Húnavatnssýsla 31.03.2025 kl. 12.35Verkefnisstjórn um óformlegar viðræður um sameiningu Dalabyggðar og Húnaþings vestra boðar til íbúafunda í Dalabúð þann 8. apríl kl. 17:00-19:00 og í Félagsheimilinu á Hvammstanga þann 9. apríl kl. 17:00-19:00.Meira -
Hljómbrá á Löngumýri
feykir.is Skagafjörður, Austur-Húnavatnssýsla, Vestur-Húnavatnssýsla 31.03.2025 kl. 11.47Tríóið Hljómbrá sem skipað er „brussunum úr Blönduhlíðinni“ þeim Gunnu í Miðhúsum, Kollu á Úlfstöðum og Írisi Olgu í Flatatungu heldur sína fyrstu tónleika á Löngumýri, þriðjudaginn 1. apríl kl. 20.00.Meira -
Siglingaklúbburinn Drangey, frestar aðalfundi
feykir.is Skagafjörður 31.03.2025 kl. 11.40Stjórn félagsins hefur ákveðið að fresta aðalfundi félagsins sem fyrirhugaður var miðvikudaginn 2. apríl um eina viku til miðvikudagsins 9. apríl vegna óviðráðanlegra utanaðkomandi aðstæðna.Meira -
Miklu stærra en Icesave-málið | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 31.03.2025 kl. 11.30Málið sem kennt er við bókun 35 við EES-samninginn er í raun miklu stærra en bæði Icesave-málið og málið varðandi þriðja orkupakka Evrópusambandsins. Miklir fjárhagslegir hagsmunir voru í húfi í Icesave-málinu sem snerist þó einungis um eina tiltekna lagagerð sambandsins. Tilskipun þess um innistæðutryggingar. Þriðji orkupakkinn varðar að sama skapi mikla hagsmuni í orkumálum en snýst þó að sama skapi um afmarkað regluverk.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.