„Trúum mikið á okkur,“ segir Donni þjálfari
Besta deild kvenna fer í gang næstkomandi þriðjudag og þar verða Stólastúlkur í eldlínunni því lið Tindastóls fær Keflavík í heimsókn á Krókinn og hefst leikurinn kl. 18:00. Feykir tók púlsinn á Donna Sigurðssyni, þjálfara Tindastóls, og sagði hann að upphaf Bestu deildarinnar legðist frábærlega í sig.
„Það er mjög mikill spenningur innan liðsins og við getum ekki beðið eftir því að byrja sumarið af krafti. Undirbúningurinn hefur verið að mínu mati mjög góður og mikill stígandi í hópnum sem er aðalatriðið. Stelpurnar hafa bætt sig bæði sem einstaklingar og lið og eru að leggja mjög hart að sér. Standið á hópnum er heilt yfir mjög gott og mér finnst það jafnvel betra en i fyrra.“
Eru stelpurnar spenntar fyrir verkefninu framundan og hver er stefnan fyrir sumarið? „Liðið er klárlega mjög spennt fyrir sumrinu og við setjum stefnuna á að taka hvern leik fyrir sig og eðlilega reyna vinna hann og svo sjáum við hvað setur. Aðrar markmiðasetningar eru bara innan hópsins. En við ætlum okkur að standa okkur mjög vel og trúum mikið á okkur.“
Hver finnst þér munurinn á hópnum nú í vor frá því í fyrrasumar? „Hópurinn er jú svipaður en við erum skipulagðari sem lið og þekkjum ennþá betur inn á okkar styrkleika og erum enn markvissari i að bæta okkar heildarframmistöðu.“
Hvað finnst þér um aðgerðir fyrirliðanna í Bestu deild kvenna sem senda skýr skilaboð til Toppfótbolta með því að hunsa þátttöku í gerð kynningarefnis fyrir sumarið? „Ég styð 100% okkar fyrirliða og alla hina líka í þessum aðgerðum. ÍTF, KSÍ og svo sem fleiri, verða að leggja meiri vinnu og hjarta i það að vinna jafnt fyrir karla- og kvennaliðin.“
Einhver skilaboð til stuðningsmanna í lokin? „Við þurfum á brjáluðum stuðningi að halda i sumar bæði utan vallar sem og innan. Þið vitið öll hvað stuðningurinn er mikilvægur og skiptir sköpum. Og núna er fullkomið tækifæri fyrir okkur sem samfèlag að sýna öðru efstu deildar liði Tindastóls sama stuðning og við erum þekkt fyrir. Gerum þetta saman alla leið. Áfram Tindastóll!“
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.