Tjón talsvert vegna flóða í Fljótum
Í síðustu viku greindi Feykir.is frá því að tún og engjar í nágrenni Miklavatns í Fljótum væru víða komnar á kaf en vatnshæðin hefur sjaldan verið jafn há og þessa dagana. Feykir spurði bændurna á Brúnastöðum, Stefaníu Hjördísi Leifsdóttur og Jóhannes Ríkharðsson, út í ástandið og sögðu þau vatnsstöðu Miklavatns í Fljótum hafa hækkað mjög mikið síðastliðin þrjú ár. Var svo komið nú í byrjun júlímánaðar að hún var a.m.k. einum metra yfir eðlilegu ástandi.
Þau segja að ós vatnsins hafi verið hálf stíflaður og ekki getað tekið við öllu því vatni sem vill til sjávar. Stafar þetta ástand, sem hefur farið versnandi með hverju árinu, fyrst og fremst af miklum sandburði sem hefur átt sér stað í norðvestan stór brimum við ósasvæðið.
„Hér á Brúnastöðum voru um 10 hektarar af slægju/beitarlandi undir vatni áður en gripið var til aðgerða, land sem klárlega ónýtist með tímanum. Svipaða sögu má segja af landi jarðanna Nýræktar, Minna-Holts, Stóra-Holts og Helgustaða. Þegar þetta ástand bættist ofan á mikið kal í túnum í vor var staðan ekki glæsileg.“ Þau segja að þessi háa vatnsstaða hafi einnig haft mjög neikvæð áhrif á æðarvarp kringum vatnið. „Á Hraunum þar sem er mjög stórt varp ónýttist til að mynda um þriðjungur af æðarvarpinu vegna vatnsgangs fyrir hretið í byrjun júní. Þá hefur þessi háa vatnsstaða mjög neikvæð áhrif á ástand lax og silungs á vatnasvæðinu. Má þar sérstaklega nefna mikla hættu á arfráni fugla á seiði sem eru að ganga til sjávar.“
Í byrjun síðustu viku var farið með stóra gröfu í ósinn til að reyna að breikka og dýpka hann. Sú aðgerð hefur skilað töluverðri lækkun á yfirborði Miklavatns en ljóst er að betur má ef duga skal.
Þegar Feykir hafði sam-band við bændurna á Brúnastöðum sl. sunnudag var vatnshæðin enn u.þ.b. 0,5 m yfir venjulegri vatnshæð en að þeirra sögn er stefnt að því að nota sumarið til að fylgjast með ástandi óssins og finna varanlega lausn á þessu vandamáli í samráði við færustu sérfræðinga landsins á þessu sviði svo ekki verði sama ástand að vori.
- - - - -
UPPFÆRT: Hlekkur á myndband >
Fleiri fréttir
-
Nóg um að vera sl. viku á Hlíðarendavelli
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 08.08.2024 kl. 12.45Það hefur verið nóg um að vera á golfvellinum á Króknum sl. viku en Opna Steinullarmótið fór fram í blíðskaparveðri laugardaginn 3. ágúst, 8. Hard Wok háforgjafarmótið var haldið á þriðjudaginn og Esju mótaröðin var haldin í gær, miðvikudag. Það er svo ekkert lát á því í dag fer fram styrktarmót fyrir Önnu Karen og svo er Norðurlandsmótaröðin fyrir ungu kylfingana á sunnudaginn.Meira -
Nýir þjálfarar kynntir í yngri flokka starfi Tindastóls
feykir.is Skagafjörður, Íþróttir 08.08.2024 kl. 12.08Á Facebooksíðu Unglingaráðs körfuknattleiksdeildar Tindastóls voru kynntir nýir þjálfarar fyrir veturinn 2024-2025. Allt eru þetta andlit sem Tindastólsaðdáendur þekkja vel og verður gaman að fylgjast með yngri flokkunum í vetur. Það sem kemur skemmtilega á óvart er að Kári Marísson er kominn aftur í þjálfarastöðuna. Hann mun halda utan um æfingar fyrir 1. - 4. bekk en áður vann Kári sem húsvörður í Árskóla og þekkir því þessa litlu körfuboltasnillinga mjög vel.Meira -
Flemming-púttmót á Hvammstanga
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.08.2024 kl. 12.00Föstudaginn 26. júlí á héraðshátíð Vestur-Húnvetninga – Eldur í Húnaþingi - fór fram í fjórtánda sinn púttmót Flemming Jessen sem hefur staðið að þessu móti með hjálp góðra vina á Hvammstanga frá 2011. Aðstaða til keppni var sæmileg, smá rekja og völlur nokkuð loðinn, en þátttakendur létu það ekki á sig fá. Að þessu sinni var þátttaka lítil, en þeir sem mættu skemmtu sér vel í leiknum og nutu smá hressinga sem í boði voru. Leiknar voru 2 x 18 holur alls 36.Meira -
Skotfélagið Markviss með sitt fyrsta Viking Cup mót
feykir.is Skagafjörður, Austur-Húnavatnssýsla, Vestur-Húnavatnssýsla 08.08.2024 kl. 11.13Um verslunarmannahelgina fór fram fyrsta "Viking Cup" mótið í Norrænu Trappi. Um er að ræða keppni milli Skotfélaganna Markviss og Eysturskot frá Færeyjum. Hugmyndin að mótinu kviknaði í spjalli milli tveggja félagsmanna úr sitthvoru félaginu fyrir nokkru síðan og varð loks að veruleika nú í ár.Meira -
Orkusetur Orkustofnunar auglýsir eftir styrkumsóknum
feykir.is Skagafjörður, Austur-Húnavatnssýsla, Vestur-Húnavatnssýsla 08.08.2024 kl. 11.07Athygli er vakin á styrkjamöguleika til kaupa á sólarsellum hjá Orkusetri Orkustofnunar. Um samkeppnissjóð er að ræða, við val á umsóknum er horft til verkefna þar sem notkun og framleiðslugeta fara hvað best saman. Styrkurinn nemur aldrei meira en 50% af efniskostnaði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.