Þórsstúlkur með létta þrennu í leikjunum gegn Tindastóli
Það var engin miskunn í Höllinni á Akureyri þegar Þórsstúlkur fengu stöllur sínar í liði Tindastóls í heimsókn. Oft hefur verið mjótt á mununum og hart barist þegar þessi grannalið hafa mæst en það er einfaldlega staðreynd að í vetur hefur lið Þórs verið langtum betra og það sannaðist í þriðja skiptið á tímabilinu þegar liðin áttust við sl. miðvikudagskvöld. Eftir allsherjar rassskellingu í fyrri hálfleik var staðan 57-23 og lauk leiknum 102-56.
Allir nema einn leikmaður Þórs fengu að stíga dansinn í leiknum og allir sem komu inn á skoruðu. Skotnýting heimastúlkna var talsvert betri en Stólanna og þær tóku næstum því helmingi fleiri fráköst í leiknum, 59 gegn 31. Liðin töpuðu boltanum álíka oft og stálu jafn mörgum boltum.
Sem fyrr segir þá völtuðu Þórsstúlkur yfir gestina í byrjun leiks. Staðan var 4-4 eftir tvær og hálfa mínútu en þá kom 14-0 kafli áður en Emese setti niður íleggju og þá kom 8-0 kaflli frá liði Þórs og staðan 26-6 eftir tæpar átta mínútur. Heimastúlkur unnu báða fyrstu leikhlutana með 17 stiga mun og þrátt fyrir að Stólastúlkur næðu að vinna þriðja leikhluta með einu stigi, 20-21, þá kláruðu Akureyringarnir leikinn af krafti og potuðu sér yfir 100 stigin.
Jayla Johnson var stigahæst Stólastúlkna með 28 stig, Emese Vida gerði 10 stig og tók níu fráköst og Klara Sólveig skilaði átta stigum á töfluna. Hjá liði Þórs var Maddie Sutton atkvæðamest með 22 stig og 17 fráköst, þar af átta sóknarfráköst. „Í spjalli á Þór Sport á YouTube sagði Danni þjálfari Þórs að vitað hefði verið fyrir fram hvert lið Tindastóls leitaði í sóknarleiknum, inn á Jaylu eða Emese, og því hefði upplagið verið að verjast því.
Næst eiga Stólastúlkur heimaleik gegn Breiðablik b og fer hann fram á morgun, laugardag, og hefst kl. 16:00. Lið Blika hefur tapað öllum leikjum sínum í deildinni en Stólastúlkur hafa unnið báða leiki liðanna hingað til af öryggi. Lið Þórs mætir Blikum í kvöld á Akureyri en grannar okkar eru sem stendur í öðru sæti deildarinnar með flott lið, góða breidd og til alls líklegt.
Áfram Tindastóll!
- - - - -
Fréttin hefur verið uppfærð:
Tveir Króksarar leika með liði Þórs en ekki einn eins og sagði upphaflega í fréttinni. Það eru þær Kristín María Snorradóttir og Katrín Eva Óladóttir. Fyrir áramót lék Króksarinn Marín Lind Ágústsdóttir einnig með Þórsurum en hún spilar nú sinn körfubolta með háskólaliði í Bandaríkjunum.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.