Þórsliðið reyndist sterkara á lokakaflanum
Lið Tindastóls og Þórs Akureyri mættust í Síkinu í gær í 10. umferð 1. deildar kvenna. Þórsliðið, sem er ansi vel mannað, hafði yfirhöndina lengstum en eftir jafnan fyrri hálfleik náði lið Tindastóls forystunni fyrir hlé. Það var síðan í fjórða leikhluta sem Akureyringar, með Maddie Sutton og Marínu Lind í miklum ham, náðu að hrifsa stigin frá Stólastúlkum og unnu góðan sigur, lokatölur 66-87.
Eva og Chloe gerðu fyrstu fjögur stigin í leiknum en Hrefna Ottós og Eva Wium svöruðu með 14 stigum og gestirnir með undirtökin snemma leiks. Pat tók þá leikhlé og náði að laga leik Stólastúlkna sem hófu að saxa á forskot gestanna. Emese gerði síðustu körfu fyrsta leikhluta og staðan 18-22. Hún hóf annan leikhluta með þristi en Marín Lind og Maddie reyndust sínum gömlu félögum erfiðar og sáu til þess að gestirnir héldu frumkvæðinu. Emese fékk sína þriðju villu þegar tæpar 14 mínútur voru liðnar, eftir hafa brotið þrisvar á Maddie, og var kippt í kæli. Lið Tindastóls nýttu síðustu tvær mínútur fyrri hálfleiks vel og Chloe kom Stólastúlkum yfir og Eva og Ingigerður bættu í og Stólastúlkur náðu sex stiga forystu, 42-36. Marín Lind svaraði með þristi fyrir hlé og staðan 42-39 í hálfleik.
Liðin hertu á varnarleiknum í þriðja leikhluta og nú var lítið skorað. Lið Tindastóls hélt forystunni fram yfir miðjan leikhlutann en gestirnir skriðu yfir eftir íleggju frá Heiðu Hlín. Rut Herner kom liði Þórs í 48-52 en Chloe svaraði með þristi. Marín Lind setti niður tvö víti fyrir Þór rétt fyrir lok þriðja leikhluta og staðan 51-54 fyrir lokaátökin. Hart var barist í upphafi fjórða leikhluta en það var Þórsliðið sem reyndist sterkara, náði að auka forskot sitt hægt og bítandi, mest fyrir tilstilli Marínar, og þegar fimm mínútur voru eftir af leiknum höfðu gestirnir náð tíu stiga forystu. Eftir það reyndist eftirleikurinn auðveldur.
Það var auðvitað skarð fyrir skildi í liði Tindastóls að eftir að hafa fengið þrjár villur í fyrri hálfleik þá náði Emese aðeins að spila í um þrjár mínútur í síðari hálfleik áður en hún var komin með fimm villur og náði því aðeins að spila tæpar 16 mínútur í leiknum. Á þessum tíma lék hún vel og hafði gert 15 stig og hirt ellefu fráköst. Frákastadrottningin Maddie Sutton tók 22 fráköst í leiknum, gerði 23 stig en hún spilaði aftur á móti tæpar 39 mínútur.
Chloe var stigahæst Stólastúlkna með 30 stig, Emese sem fyrr segir með 15, Eva Rún gerði átta stig og Fanney setti sjö. Maddie Sutton gerði 23 stig fyrir Þór, Marín Lind og Hrefna voru með 17 hvor og Heiða Hlín tíu. Munurinn á liðunum að þessu sinni lá í fráköstunum því lið Þórs slátraði heimastúlkum á því sviði, tók 62 fráköst á meðan Stólastúlkur náði 35. Munaði þar að sjálfsögðu mikið um að lið Tindastóls var án Emese meirihluta leiktímans.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.