Þingmenn fá greiddan ferðakostnað í eigin kjördæmi
BB segir frá því að þingmenn fá greiddan ferðakostnað í eigin kjördæmi. Þingmenn NV-kjördæmis, sem og þingmenn annarra kjördæma en Reykjavíkurkjördæmanna og Suðvesturkjördæmis, fá fasta upphæð mánaðarlega, sem nemur 90.700 krónum á árinu 2009, til að standa undir húsnæðis- og dvalarkostnaði í Reykjavík eða nágrenni.
Eigi þeir aðalheimili á höfuðborgarsvæðinu er fjárhæðinni ætlað að standa undir sams konar kostnaði í kjördæminu. Þá getur þingmaður, sem þarf að halda tvö heimili, sótt um 40% álag. Ferðist þingmenn utan höfuðborgarsvæðisins, daglega á milli Alþingis og heimilis, má endurgreiða ferðakostnaðinn en þá er einn þriðji húsnæðiskostnaðar greiddur. Þetta kemur fram í handbók um þingstörfin.
Varðandi ferðakostnað innanlands kemur fram að almenna reglan er sú að þingmenn eiga rétt á að fá greiddan ferðakostnað í eigin kjördæmi, svo og kostnað við ferðir milli heimilis og Reykjavíkur og fundarferðir í önnur kjördæmi. Föst mánaðarleg greiðsla ferðakostnaðar í eigin kjördæmi skal standa undir ferðakostnaði og uppihaldi í kjördæminu. Fjárhæðin á árinu 2009 er 61.400 krónur á mánuði.
Í handbókinni kemur einnig fram að þingmenn utan Reykjavíkurkjördæmanna og Suðvesturkjördæmis eiga rétt á að fá endurgreiddan vikulegan ferðakostnað milli heimilis og Alþingis. Þingmenn sem búa utan Reykjavíkur og kjósa að ferðast daglega til og frá vinnustað fá kostnaðinn endurgreiddan en fá þá greiddan einn þriðja hluta húsnæðiskostnaðar sem á að standa undir tilfallandi gistingu í Reykjavík.
Fleiri fréttir
-
Fáliðaðar Stólastúlkur áttu ekki roð í Íslandsmeistarana
feykir.is Skagafjörður, Íþróttir, Lokað efni 01.04.2025 kl. 09.37Úrslitakeppnin í Bónus deild kvenna hófst í gærkvöldi og lið Tindastóls sótti þá Íslandsmeistara Keflavíkur heim. Israel og Hlynur mættu með aðeins átta stúlkur til leiks en meðal annars vantaði bæði Ilze og Rannveigu í hópinn en þær voru veikar. Heimaliðið byrjaði vel og hleypti gestunum í raun aldrei inn í leikinn. Staðan í hálfleik var 46-33 en lokatölur 91-62.Meira -
Landsmenn hvattir til að koma sér upp viðlagakassa
feykir.is Skagafjörður, Austur-Húnavatnssýsla, Vestur-Húnavatnssýsla 01.04.2025 kl. 08.21Það er mikilvægt að öll heimili landsins geti komist af í að minnsta kosti 3 daga ef neyðarástand skapast. Neyðarástand getur skapast af ýmsum ástæðum og oft með stuttum eða engum fyrirvara. Við slíkar aðstæður er mikilvægt að hvert og eitt okkar geti bjargað sér í einhverja daga án utanaðkomandi hjálpar. Við þurfum að búa okkur undir að vera án rafmagns og vatns í að minnsta kosti 3 daga.Meira -
Sigur í æfingaleik gegn FH í frumraun bandarísku stúlknanna
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 31.03.2025 kl. 15.53Lið Tindastóls í Bestu deild kvenna í knattspyrnu hefur samið við þrjár bandarískar stúlkur um að leika með liðinu í sumar. Það eru Grace Pettet sem er örvfættur varnarmaður, framherjinn Makala Woods og markvörðurinn Genevieve Crenshaw en hún er reyndar enn ekki kominn með leikheimild þó Donni þjálfari sé bjartsýnn á að það styttist í það. Áður var búið að segja frá því að hin þýska Nicole Hauk væri genginn til liðs við lið Tindastóls.Meira -
Íbúasamráð um sameiningarviðræður Dalabyggðar og Húnaþings vestra
feykir.is Vestur-Húnavatnssýsla 31.03.2025 kl. 12.35Verkefnisstjórn um óformlegar viðræður um sameiningu Dalabyggðar og Húnaþings vestra boðar til íbúafunda í Dalabúð þann 8. apríl kl. 17:00-19:00 og í Félagsheimilinu á Hvammstanga þann 9. apríl kl. 17:00-19:00.Meira -
Hljómbrá á Löngumýri
feykir.is Skagafjörður, Austur-Húnavatnssýsla, Vestur-Húnavatnssýsla 31.03.2025 kl. 11.47Tríóið Hljómbrá sem skipað er „brussunum úr Blönduhlíðinni“ þeim Gunnu í Miðhúsum, Kollu á Úlfstöðum og Írisi Olgu í Flatatungu heldur sína fyrstu tónleika á Löngumýri, þriðjudaginn 1. apríl kl. 20.00.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.