Það harðnar á dalnum hjá Húnvetningum
Það var spilað á Sjávarborgarvelli á Hvammstanga í dag í 21. umferð 2. deildarinnar í knattspyrnu. Þá tók Kormákur/Hvöt á móti Knattspyrnufélagi Austurlands sem hefur verið í toppbaráttunni í mest allt sumar en var rétt búið að missa af lest þeirra liða sem vilja fylgja liði Selfoss upp í Lengjudeildina. Leikurinn var því kannski ekki mikilvægur fyrir gestina en hann var það sannarlega fyrir lið Húnvetninga sem berst fyrir lífi sínu í deildinni. Það var lið KFA sem hafði betur, vann leikinn 1-3.
Gestirnir voru sterkara liðið í leiknum og þeir uppskáru mark á 38. mínútu en það gerði Eiður Örn Ragnarsson beint úr aukaspyrnu af löngu færi. Staðan 0-1 í hálfleik en það voru aðeins liðnar tvær mínútur af seinni hálfleik þegar Ingvi Rafn jafnaði metin eftir að markvörður gestanna hafði verið frá Hauki Inga í dauðafæri en boltinn barst á Ingva. Lið KFA sótti meira en næsta mark kom ekki fyrr en á 86. mínútu og þar var á ferðinni Jacques Sandem. Gestirnir gulltryggðu svo sigurinn þegar Nanni Guðmunds skoraði á þriðju mínútu uppbótartíma.
Staða Kormáks/Hvatar erfið fyrir lokaumferðina en liðið hefur aðeins náð einu stigi út úr síðustu fimm leikjum. Húnvetningar eru sem fyrr með 19 stig en KF er með 18 stig en piltarnir úr Fjallabyggð töpuðu 5-1 í dag gegn liði Hauka. Það ræðst því í lokaumferðinni hvaða lið fellur með Reyni Sandgerði en auk Kormáks/Hvatar og KF er KFG í fallhættu með 20 stig. Í lokaumferðinni mætir KFG botnliði Reynis, Kormákur/Hvöt sækir Víking Ólafsvík sem er í bullandi toppbaráttu en KF fær Hött/Huginn í heimsókn á Ólafsfjörð en þeir töpuðu í dag á heimavelli gegn Reyni Sandgerði og því kannski ólíklegir til að gera Húnvetningum greiða.
En miði er möguleiki og nú er bara að setja kassann út og eiga toppleik á Ólafsvík. Áfram Kormákur/Hvöt!
Fleiri fréttir
-
Æfingar hefjast hjá Skagfirska kammerkórnum.
feykir.is Skagafjörður, Austur-Húnavatnssýsla, Vestur-Húnavatnssýsla 16.09.2024 kl. 14.50Miðvikudaginn 11.september hóf Skagfirski kammerkórinn æfingar á ný eftir sumarfrí og heldur inn í sitt tuttugasta og fimmta starfsár.Meira -
Hvaðan kemur verðbólgan? | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 16.09.2024 kl. 14.35Tveir helztu drifkraftar verðbólgunnar hér á landi undanfarin misseri hafa annars vegar verið kostnaður vegna húsnæðis og hins vegar innflutt verðbólga. Aðallega frá ríkjum Evrópusambandsins enda mest flutt inn þaðan. Verðbólga jókst þar ekki vegna aukinna umsvifa heldur fyrst og fremst vegna glórulausra ákvarðana evrópskra ráðamanna í orkumálum sem varð til þess að ófá ríki sambandsins urðu háð orku frá Rússlandi. Þegar loks var brugðist við í þeim efnum, þó enn sé flutt inn mikið af rússneskri orku, leiddi það til hærra orkuverðs, þar með hærri framleiðslukostnaðar og loks hærra vöruverðs sem síðan skilaði sér hingað.Meira -
Oddviti Húnabyggðar ósáttur við vinnubrögð Vegagerðarinnar
feykir.is Austur-Húnavatnssýsla 16.09.2024 kl. 10.24„Ég ætla bara að ítreka það að við erum búin að standa við okkar. Við erum búin að sameina og mér finnst það asskoti hart að fá svona í bakið fyrir mitt samfélag. Við erum að reyna að sameina samfélög, við gerum það ekki með því að búa til óeiningu milli hverfa í okkar samfélagi,“ sagði Guðmundur Haukur Jakobsson, oddviti Húnabyggðar, í samtali við RÚV í gær.Meira -
30 milljónir settar í undirbúning fyrir Fljótagöng
feykir.is Skagafjörður 16.09.2024 kl. 09.23Stjórnvöld hafa ákveðið að flýta rannsóknum fyrir jarðgöng úr Fljótum og til Siglufjarðar og er nú stefnt að því að borun fyrir jarðgöng geti hafist árið 2026. Þrjátíu milljónum verður varið í að undirbúa gerð jarðganga úr Skagafirði í Fjallabyggð sem myndi leysa af hólmi veg um Almenninga en hann hefur farið illa í veðrum og jarðhreyfingum undanfarin ár og er talinn hættulegur vegfarendum.Meira -
Kormákur/Hvöt hélt sæti sínu í 2. deild þrátt fyrir tap í lokaumferðinni
feykir.is Austur-Húnavatnssýsla, Íþróttir, Vestur-Húnavatnssýsla 15.09.2024 kl. 19.07Það var hart barist í síðustu umferð 2. deildarinnar í tuðrusparkinu í gær. Hvorki hafði gengið né rekið hjá Kormáki/Hvöt í síðustu leikjum og útlitið ekki verulega gott fyrir lokaleikinn; erfiður andstæðingur í Ólafsvík á meðan lið KF spilaði heima á Ólafsfirði gegn Hetti/Huginn sem hafði tapað fimm leikjum í röð og virtust hættir þetta sumarið. Það eina sem spilaði með Húnvetningum var að þeir höfðu stigi meira en lið KF fyrir síðustu umferðina og það reyndist heldur betur mikilvægt þar sem bæði lið töpuðu og bættu því ekki við stigasafnið. Kormákur/Hvöt náði því í raun þeim frábæra árangri að halda sæti sínu í 2. deild og það voru víst ekki margir sem veðjuðu á það fyrir mót.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.