Telja formann fræðslunefndar Skagafjarðar hafa brotið siðareglur kjörinna fulltrúa
Félagsmenn Félags leikskólakennara og Félags stjórnenda leikskóla í Skagafirði hafa sent frá sér opið bréf til sveitarstjóra og sveitarstjórnar Skagafjarðar þar sem þau koma á framfæri viðbrögðum við því að formaður fræðslunefndar Skagafjarðar, sem er Kristófer Már Maronsson, fulltrúi Sjálfstæðisflokks, sé einn þeirra sem stefnir Kennarasambandi Íslands fyrir ólögmætt verkfall.
„Við teljum að ákvörðun hans hljóti að vera brot á siðareglum kjörinna fulltrúa þ.e. að formaður fræðslunefndar skuli hafa valið sérhagsmuni fram yfir almannahagsmuni,“ segir m.a. í bréfinu
Bréfið má lesa hér að neðan:
Sauðárkrókur, 29. janúar 2025
Opið bréf til sveitarstjóra og sveitarstjórnar Skagafjarðar
Félagsfólk Félags leikskólakennara og Félags stjórnenda leikskóla í Skagafirði vill koma á framfæri viðbrögðum sínum við því að formaður fræðslunefndar Skagafjarðar skuli vera einn af þeim sem stefnir m.a. Kennarasambandi Íslands (KÍ) fyrir ólögmætt verkfall. Það er okkar mat að með þessari ákvörðun hafi formaður fræðslunefndar brotið siðareglur kjörinna fulltrúa og brotið traust sem búið er að byggja upp undanfarin ár. Búið er að leggja mikla vinnu í að efla starfsanda og bæta starfsaðstæður í leikskólum Skagafjarðar en með þessari ákvörðun er út um þá vinnu.
Reiðin, vonbrigðin og sárindin sem starfsfólk leikskóla Skagafjarðar og þá einkum félagsfólk Kennarasambandsins, hafa upplifað frá því að formaður fræðslunefndar tilkynnti í skrifum sínum á Vísi að hann væri einn af þeim sem væru að stefna KÍ, þar með kennurum í Ársölum, er ekki hægt að lýsa í orðum. Það að einstaklingur í hans stöðu skuli velja að vera einn af þeim fáu sem völdu að stefna KÍ sýnir berlega hver afstaða hans til leikskólans er. Hann hafði val um að láta aðra um að leita til dómstóla í ljósi þess að hann er formaður fræðslunefndar en valdi að taka þátt með sérhagsmuni að leiðarljósi.
Gjörðir hans hafa nú þegar haft alvarlegar afleiðingar þar sem fyrsta uppsagnarbréf kennara í Ársölum hefur borist leikskólastjóra og eru fleiri kennarar að íhuga að segja upp störfum sínum. Það verður lítið um faglegt leikskólastarf ef það verða engir kennarar eftir til að kenna börnunum. Mjög erfiðlega hefur gengið að manna leikskólana í Skagafirði. Ef fleiri uppsagnir koma í kjölfar ákvörðunar formanns fræðslunefndar þá myndu þær leiða til þess að leikskólarnir geta ekki haldið öllum deildum opnum með tilheyrandi afleiðingum. Við teljum að ákvörðun hans hljóti að vera brot á siðareglum kjörinna fulltrúa þ.e. að formaður fræðslunefndar skuli hafa valið sérhagsmuni fram yfir almannahagsmuni.
Félagsfólk Félags leikskólakennara og Félags stjórnenda leikskóla í Skagafirði vilja með bréfi þessu hvetja sveitarfélagið til að taka afstöðu með kennurum og bæta úr þeim skaða sem nú þegar hefur orðið og reyna að koma í veg fyrir enn meiri skaða. Það veltur á ákvörðun sveitarfélagsins í þessu máli hvort eitthvað fagfólk verður eftir í leikskólum Skagafjarðar að verkfalli loknu, komi til þess.
Félagsmenn Félags leikskólakennara og Félags stjórnenda leikskóla í Skagafirði
Fleiri fréttir
-
Kynning á niðurstöðum umhverfismats á vindorkugarði í landi Sólheima
feykir.is Vestur-Húnavatnssýsla 30.01.2025 kl. 11.50Þriðjudaginn 4. febrúar klukkan 17:00 verður haldinn kynningarfundur í Félagsheimilinu á Hvammstanga þar sem niðurstöður umhverfismats á vindorkugarði í landi Sólheima í Dalabyggð verða kynntar.Meira -
Emma Katrín á sterku alþjóðlegu móti í badminton
feykir.is Skagafjörður, Íþróttir, Lokað efni 30.01.2025 kl. 10.05Um sl. helgi fór fram hið árlega RSL ICELAND INTERNATIONAL 2025 í Reykjavík en það er stærsta afreksverkefni Badmintonsambands Íslands. Á mótinu voru 247 leikmenn skráðir til leiks og voru þeir frá 35 löndum. Ísland átti 34 leikmenn skráða á mótið og var þar á meðal unga og efnilega Emma Katrín Helgadóttir frá Bandmintondeild Tindastóls og spilaði hún þar sem fulltrúi Íslands í einliðaleik kvenna.Meira -
Gul veðurviðvörun yfir alla helgina
feykir.is Skagafjörður, Austur-Húnavatnssýsla, Vestur-Húnavatnssýsla 30.01.2025 kl. 09.58Það er boðið upp á gula veðurviðvörun á Vestur-, Suðvesturlandi og miðhálendinu í dag. Norðurland vestra virðist sleppa nokkuð vel en þó gæti hvesst nokkuð í Húnavatnssýslunum. Gengur í suðaustan 13-18 m/s með snjókomu eða slyddu öðru hvoru, segir í veðurspá Veðurstofunnar fyrir daginn í dag, en snýst í suðvestan 8-13 með stöku éljum í kvöld. Hiti kringum frostmark. Suðaustan 18-25 og dálítil rigning á morgun en hiti 3 til 10 stig.Meira -
Aldrei flutt skattkortið sitt af Skagaströndinni
feykir.is Skagafjörður, Austur-Húnavatnssýsla, Mannlíf, Lokað efni 30.01.2025 kl. 09.03„Okkar ástsæli – og ekki síður farsæli – skipstjóri Guðjón Guðjónsson, sem flestir þekkja væntanlega ekki nema sem Jonna, hoppaði alkominn í land í [gær] eftir rúmlega hálfa öld á sjó.“ Svo segir í frétt á vef FISK Seafood en umræddur Jonni hefur lengst af verið skipstjóri á frystitogaranum Arnari HU-1 og hefur á þessum árum gert víðreist um sjóinn en „...stærir sig af því um leið að hann hafi aldrei flutt skattkortið sitt af Skagaströndinni enda hafi líf hans verið í föstum skorðum alla tíð.“Meira -
BBQ rif og skyrkaka | Matgæðingar Feykis
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 30.01.2025 kl. 08.56Matgæðingar vikunnar í tbl 11, 2024, voru Eyrún Helgadóttir og eiginmaður hennar Bjarni Kristmundsson. Eyrún og Bjarni eru bændur á Akurbrekku en Eyrún er einnig nuddfræðingur og Bjarni alltmuligman. Þau fluttu á Akurbrekku lok árs 2023 en bjuggu áður á Borðeyrarbæ og eru búin að koma sér vel fyrir með 420 kindur, ellefu hænur og einn hund á bænum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.