Tap í bragðlitlum leik gegn Þrótti
Stólastúlkum hefur lengi gengið brösuglega að ná í góð úrslit gegn liði Þróttar í Reykjavík og það varð engin breyting á því í gærdag þegar liðin mættust á Eimskipsvellinum í 10. umferð Pepsi Max deildarinnar. Eitt mark heimastúlkna í sitt hvorum hálfleiknum dugði til að leggja lið gestanna sem komu boltanum ekki í mark andstæðinganna að þessu sinni. Lokatölur því 2-0 fyrir Þrótt.
Leikið var við ágætar aðstæður fyrir sunnan og eins og oftast voru það andstæðingar Tindastóls sem héldu boltanum betur og stjórnuðu ferðinni. Bæði lið fengu engu að síður tækifæri til að skora. Amber varði vel frá Shea Moyer snemma leiks en eftir um 25 mínútur komst Aldís í gott færi eftir sendingu frá Murr en Íris Dögg varði vel í marki Þróttar. Fimm mínútum síðar komst Katherina Cousins framhjá varnarmönnum Tindastóls sem enduðu á að brjóta á henni og víti dæmt. Hún skoraði örugglega úr vítinu og heimastúlkur komnar með forystuna. Murielle átti nokkra góða spretti eftir þetta en hafði ekki heppnina með sér upp við markið og skömmu fyrir hlé varð hún fyrir því að fara úr axlarlið – ekki í fyrsta skipti og sennilega ekki það síðasta. Hún kom aftur inn á eftir að hafa fengið aðhlynningu og öxlin sett á sinn stað.
Tindastólsstúlkur þurftu að halda vel á sínum spilum í síðari hálfleik til að ná einhverju út úr leiknum en lið Þróttar gerði brekkuna fjallbratta fyrir gestina með því að skora strax í upphafi. Linda Líf Bouma sýndi þá laglega takta á hægri kantinum og sendi boltann fyrir á Ólöfu Kristinsdóttur sem kláraði færið með tilþrifum og Amber átti engan séns í marki Tindastóls. Í raun gerðist fátt markvert eftir þetta og lið Tindastóls náði ekki upp sömu baráttu og krafti og þær sýndu gegn Stjörnustúlkum í leiknum á undan. Besta færi Tindastóls átti Murr þegar stundarfjórðungur var til leiksloka en þá náði hún góðu skoti utan teigs en boltinn small í þverslánni.
Þessi úrslit þýða að Stólastúlkur sitja sem fyrr í neðsta sæti deildarinnar og þurfa að fara að krækja í fleiri sigra til að rétta úr kútnum. Þróttur komst hins vegar upp í þriðja sæti deildarinnar með sigrinum og hafa verið að spila góðan fótbolta.
Óskar Smári Haraldsson í þjálfarateymi Tindastóls sagði niðurstöðuna í raun vera svekkjandi tap. „[Það voru] augnablik í leiknum þar sem við erum ekki með réttan fókus og það er nóg til þess að Þróttur kemst á lagið og skorar þau mörk sem þær skora. Annars áttu stelpurnar nokkra mjög flotta spilkafla og voru að komast í álitlegar stöður. Dveljum ekki of lengi á þessum leik, förum yfir hann og lögum það sem þarf að laga og mætum svo klárar gegn Fylki.“
Leikurinn gegn Fylki verður spilaður á Króknum þriðjudaginn 20. júlí og hefst kl. 18:00.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.