Tækifæri á Norðurlandi vestra
Áskorandapenninn Guðmundur Haukur Hvammstanga
Erlendum ferðamönnum hefur fjölgað geysilega hér á Íslandi síðustu árin. Svo er komið að á háannatíma eru vinsælustu staðirnir þ.e. ákveðinn radíus umhverfis Reykjavík orðnir yfirhlaðnir af ferðalöngum og vinsælustu staðirnir anna vart þessum aukna fjölda.
Vissulega hefur ferðamönnum fjölgað hér á Norðurlandi vestra á undanförnum árum, en við ættum að vera í góðu færi að taka á móti fleirum. Framboð á gistingu hefur aukist og nú á að vera hægt að kaupa veitingar á öllum helstu þéttbýlisstöðum allt árið. Það sem einkum vantar upp á er framboð á aukinni afþreyingu á okkur ágæta svæði. Margs konar söfn og setur taka nú á móti ferðamönnum og færst hefur í vöxt að þau séu opin allt árið.
Það sem nær algerlega virðist vanta hér á Norðurland vestra eru skipulagðar hópferðir með leiðsögn allan ársins hring. Hugsa má sér dagsferðir út frá Reykjavík allt árið einkum í Húnavatnssýslurnar. Við höfum fullt af áhugaverðum stöðum til að heimsækja sem dæmi: Illugastaði, Hvítserk, Borgarvirki, Kolugljúfur, Vatnsdalshóla, Þingeyrar og Kálfshamarsvík. Þessir staðir eru að mínu viti engu síðri en þeir sem boðið er upp á í Gullhring, Suðurstrandarferðum eða Snæfellsneshring. Dagsferð norður í Húnaþing er mun þægilegri ferð en að flengjast á einum degi alla leið austur í Jökulsárlón. Eins mætti hugsa sér ferðir út frá Akureyri í Skagafjörð og Húnavatnssýslur t.d. í tengslum við beint flug erlendis frá til Akureyrar.
Eins mætti bjóða upp á ferðir allt upp í fjóra til fimm daga þar sem gist yrði á Norðurlandi vestra. Síðan yrðu farnar dagsferðir bæði um Norðurland vestra og jafnframt er auðvelt að fara ferðir héðan bæði til austurs og vesturs til að skoða áhugverða staði á Norðurlandi eystra og Vesturlandi. Á veturna mætti sem dæmi leggja áherslu á að skoða norðurljósin, jafnframt því að njóta náttúru og menningar.
Eitt er það sem aftrar aukinni ferðamennsku á Norðurlandi vestra en það eru slæmir vegir. Vonandi komast illfærir útvegir inn á lista þeirra innviða sem ný ríkisstjórn ætlar að styrkja á næsta kjörtímabili. Sem dæmi um fjölfarna vegi sem eru orðnir stórhættulegir má nefna: Vatnsnesveg, veginn fyrir Skaga og Reykjastrandarveg.
Tökum nú höndum saman komum vegakerfinu á Norðurlandi vestra í ásættanlegt horf. Aukum einnig framboð á afþreyingu á svæðinu, tökum á móti fleiri gestum og sköpum okkur um leið aukna atvinnumöguleika.
Ég skora á Þórarin Br. Ingvarsson veitingamann á Borginni á Hótel Blöndu á Blönduósi að rita næsta pistil.
Áður birst í 48. tbl. Feykis 2017.
Fleiri fréttir
-
Grátlegt tap á móti Þór/KA
feykir.is Skagafjörður, Íþróttir, Lokað efni 22.04.2025 kl. 09.51Stólastelpur spiluðu sinn annan leik í Bestu deildinni í gær í Boganum á Akureyri á móti sterku liði Þórs/KA. Úrslit leiksins voru hins vegar sorgleg fyrir okkar stelpur sem töpuðu leiknum 2-1. Þegar þessi lið mættust síðast áttu Stólastelpur engan séns og fengu níu mörk á sig en annað var uppi á teningnum í gær. Donni, þjálfari stelpnanna, segir í samtali við visir.is að þær hafi verðskuldað sigur í leiknum miðað við vinnuframlagið, baráttuna og færin og algjört bull að Þór/KA hafi unnið leikinn.Meira -
Jólin heima er framúrskarandi verkefni á sviði menningar
feykir.is Skagafjörður 22.04.2025 kl. 09.30Verkefnið Jólin heima, sem hefur fest sig í sessi sem árviss menningarviðburður í Skagafirði, hefur verið valið Framúrskarandi verkefni ársins 2024 hjá SSNV. Tónleikarnir, sem leiddir eru af Jóhanni Daða Gíslasyni, hafa skapað sér sérstakan stað í hjörtum heimamanna.Meira -
Eitt stig komið á Krókinn
feykir.is Skagafjörður, Íþróttir, Lokað efni 22.04.2025 kl. 09.12Það var heldur betur veisla í Síkinu í gær þegar Stólarnir mættu Álftnesingum í fyrsta einvígi liðanna í 4-liða úrslitum. Það var von á leik sem enginn körfuboltaáhugamaður vildi missa af því þegar þessi tvö lið hafa mæst í vetur hafa verið hörkuleikir þar sem Tindastóll vann fyrri leikinn 109-99 í lok nóvember en síðari leikurinn fór 102-89 fyrir Álftanes í lok febrúar. En það var því miður ekki raunin því Stólarnir voru með tökin á leiknum allan tímann og unnu sannfærandi sigur, lokatölur 100-78.Meira -
Forsala hefst á morgun
feykir.is Skagafjörður, Austur-Húnavatnssýsla, Vestur-Húnavatnssýsla 21.04.2025 kl. 22.29Þann 23. október sl. hefði Stefán R. Gíslason tónlistarkennari, kórstjóri og organisti í Varmahlíð orðið sjötugur. Þann sama dag sagði sr. Gísli Gunnarsson á Hólum frá því á Facebook síðu sinni að hann hefði ákveðið, í samráði við fjölskyldu Stefáns, að stofna minningarsjóð í hans nafni. Nú hefur verið ákveðið að halda tónleika í fjáröflunarskyni fyrir sjóðinn.Meira -
Finnst ekki gaman að gera eins og allir hinir
feykir.is Skagafjörður, Lokað efni 21.04.2025 kl. 13.00Sigrún Helga Indriðadóttir á Stórhóli í Lýtingsstaðahreppi hinum forna, konan á bak við Rúnalist, móðir fimm barna, amma þriggja, bóndi, handlagin, listakona sem hleypti heimdraganum og fór í framhaldsskóla FVA á Akranesi og síðan í Garðyrkjuskóla ríkisins á Reykjum í Ölfusi. Hún hefur í gegnum tíðina unnið við ýmislegt, garðyrkju, malbikun, fiskvinnslu, í mötuneyti, á hóteli, við kennslu, landbúnaðarstörf, eigin matvælaframleiðslu og sinnt barnauppeldi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.