Sveitarfélagið Skagafjörður tekur þátt í atvinnuátaksverkefni fyrir námsmenn 18 ára og eldri

feykir.is Skagafjörður 21.05.2010 kl. 11.00
 
 
 

Vinnumálastofnun hefur í samráði við Samband íslenskra sveitarfélaga unnið að sérstöku atvinnuátaksverkefni fyrir námsmenn án bótaréttar í sumar. Felst í átakinu að Atvinnuleysistryggingasjóður styrkir sveitarfélögin um ákveðið mótframlag í launakostnaði við verkefni sem eru viðbót við starfsmannafjölda eða verkefni umfram hefðbundna og áður fyrirhugaða starfsemi sveitarfélaganna. Vel á annað þúsund störf hafa verið skipulögð innan átaksins, bæði af hálfu sveitarfélaga vítt og breytt um landið og opinberra stofnana.

Sveitarfélagið Skagafjörður tekur þátt í átakinu og eru nú auglýst á vef Vinnumálastofnunar (www.vmst.is) 20 störf fyrir námsmenn, 18 ára og eldri og rennur umsóknarfrestur um þau út þann 24. maí nk. Um margvísleg störf er að ræða og má þar m.a. nefna gestamóttöku og miðlun upplýsinga í Upplýsingamiðstöð á Sauðárkróki, skráningu ljósmynda í nýjan ljósmyndabanka Skagafjarðar, skráningu og frágang skjala, auk fjölbreyttra starfa á vegum VIT (vinna, íþróttir og tómstundir) og við íþróttasvæði í Skagafirði.

Þau störf sem falla undir átaksverkefnið eru ætluð námsmönnum sem skulu að lágmarki ná 18 ára aldri á árinu, hafa verið í námi á líðandi vetri og vera skráðir í nám í viðurkenndri menntastofnun, innlendri eða erlendri, á hausti komandi.

Nánari upplýsingar um störfin má finna á vef Vinnumálastofnunar (www.vmst.is) en allar umsóknir um þau fara í gegnum umsóknarkerfi stofnunarinnar sem þar er að finna.
Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Donni þjálfari. MYND: DAVÍÐ MÁR

    Sigur í æfiingaleik gegn FH í frumraun bandarísku stúlknanna

    feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 31.03.2025 kl. 15.53 oli@feykir.is
    Lið Tindastóls í Bestu deild kvenna í knattspyrnu hefur samið við þrjár bandarískar stúlkur um að leika með liðinu í sumar. Það eru Grace Pettet sem er örvfættur varnarmaður, framherjinn Makala Woods og markvörðurinn Genevieve Crenshaw en hún er reyndar enn ekki kominn með leikheimild þó Donni þjálfari sé bjartsýnn á að það styttist í það. Áður var búið að segja frá því að hin þýska Nicole Hauk væri genginn til liðs við lið Tindastóls.
    Meira
  • MYND HUNATHING.IS

    Íbúasamráð um sameiningarviðræður Dalabyggðar og Húnaþings vestra

    feykir.is Vestur-Húnavatnssýsla 31.03.2025 kl. 12.35 gunnhildur@feykir.is
    Verkefnisstjórn um óformlegar viðræður um sameiningu Dalabyggðar og Húnaþings vestra boðar til íbúafunda í Dalabúð þann 8. apríl kl. 17:00-19:00 og í Félagsheimilinu á Hvammstanga þann 9. apríl kl. 17:00-19:00.
    Meira

  • Hljómbrá á Löngumýri

    feykir.is Skagafjörður, Austur-Húnavatnssýsla, Vestur-Húnavatnssýsla 31.03.2025 kl. 11.47 gunnhildur@feykir.is
    Tríóið Hljómbrá sem skipað er „brussunum úr Blönduhlíðinni“ þeim Gunnu í Miðhúsum, Kollu á Úlfstöðum og Írisi Olgu í Flatatungu heldur sína fyrstu tónleika á Löngumýri, þriðjudaginn 1. apríl kl. 20.00.
    Meira

  • Siglingaklúbburinn Drangey, frestar aðalfundi

    feykir.is Skagafjörður 31.03.2025 kl. 11.40 gunnhildur@feykir.is
    Stjórn félagsins hefur ákveðið að fresta aðalfundi félagsins sem fyrirhugaður var miðvikudaginn 2. apríl um eina viku til miðvikudagsins 9. apríl vegna óviðráðanlegra utanaðkomandi aðstæðna.
    Meira
  • Hjörtur J. Guðmundsson.MYND AÐSEND

    Miklu stærra en Icesave-málið | Hjörtur J. Guðmundsson skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 31.03.2025 kl. 11.30 gunnhildur@feykir.is
    Málið sem kennt er við bókun 35 við EES-samninginn er í raun miklu stærra en bæði Icesave-málið og málið varðandi þriðja orkupakka Evrópusambandsins. Miklir fjárhagslegir hagsmunir voru í húfi í Icesave-málinu sem snerist þó einungis um eina tiltekna lagagerð sambandsins. Tilskipun þess um innistæðutryggingar. Þriðji orkupakkinn varðar að sama skapi mikla hagsmuni í orkumálum en snýst þó að sama skapi um afmarkað regluverk.
    Meira
Yfirlit frétta