Sveitarfélagið Skagafjörður í plús á kjörtímabilinu
Á sveitarstjórnarfundi sl. miðvikudag fór fram fyrri umræða um ársreikning Sveitarfélagsins Skagafjarðar fyrir árið 2013. Óhætt er að segja að ársreikningurinn endurspegli þann gríðarlega viðsnúning sem orðið hefur í fjármálum sveitarfélagsins á kjörtímabilinu. Sveitarfélagið og stofnanir þess skiluðu á síðasta ári 314 milljón króna rekstrarhagnaði, þar af A-hluti með rekstrarhagnað upp á 11 milljónir króna.
Ef litið er til kjörtímabilsins í heild sinni, þ.e. árin frá 2010 þegar núverandi sveitarstjórn tók við og til loka síðasta árs þá skilar tímabilið tekjuafgangi hjá sveitarfélaginu í heild sinni upp á 44 milljónir króna. Þess ber að geta að fjárhagsáætlun fyrir árið 2014 gerir ráð fyrir jákvæðri afkomu sveitarfélagsins upp á 77 milljónir króna.
Frá því að nýjar reikningsskilareglur sveitarfélaga tóku gildið árið 2002 og til upphafs þessa kjörtímabils hafði aðeins verið jákvæð niðurstaða frá rekstri sveitarfélagsins einu sinni áður, þ.e. árið 2007. Á þessu kjörtímabili hefur hins vegar orðið algjör viðsnúningur í rekstri, tap varð af honum árin 2010 og 2011 en afgangur árin 2012 og 2013 sem er í fyrsta sinn sem jákvæð niðurstaða fæst tvö ár í röð. Stöðugleiki og festa hefur náðst í reksturinn og kjörtímabilið verður sem fyrr segir í heild sinni rekið í plús. Þetta hefur tekist á sama tíma og sveitarfélagið er enn með einhver lægstu leikskóla- og dagvistargjöld barna á landinu og Skagafjarðarveitur með ódýrustu hitaveitu landsins.
Viðsnúningur sem þessi gerist ekki af sjálfu sér. Aga, festu og samstöðu þarf til. Ég vil fyrst og fremst þakka starfsfólki sveitarfélagsins sem og sveitarstjórnarfulltrúum fyrir samstillt átak sem leitt hefur til þessarar jákvæðu niðurstöðu.
Stefán Vagn Stefánsson
Fleiri fréttir
-
Miðasalan hefst í dag
feykir.is Skagafjörður, Lokað efni 23.04.2025 kl. 15.00Leikfélag Sauðárkróks frumsýnir nú næskomandi sunnudag 27.apríl leikritið „Flæktur í netinu“ í leikstjórn Valgeirs Skagfjörð. Miðasala hefst í dag, miðvikudag á tix.is.Meira -
Faxi er kominn heim
feykir.is Skagafjörður 23.04.2025 kl. 14.22Að morgni dags 21. júlí 2023, sagði Feykir frá því að Faxi hafi tekið á flug á vit nýrra ævintýra. Næsti áfangastaður var Reykjavík þar sem hann var gerður sýningarhæfur og hafður á sýningu á Korpúlfsstöðum. Þegar þeirri sýningu lauk hélt hann til Þýskalands þar sem færa átti kappann í brons áður en hann kæmi aftur heim á Sauðárkrók.Meira -
Rafrænt Sjónhorn kom út í dag
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 13.52Vegna mikillar eftirspurnar var tekin ákvörðun um að gefa út rafrænt eintak af Sjónhorni fyrir Sjónhornþyrsta fólkið á svæðinu. Þetta blað fer því ekki inn um lúgurnar í pappírsformi - það verður einungis hægt að skoða það á netinu. Ástæðan fyrir því að ekki var hægt að gefa út prentað blað er sú að frídagar í þessari viku gerðu það að verkum að ekki var hægt að setja blaðið upp né dreifa því á tilsettum tíma.Meira -
Landsnet með opinn fund í Eyvindarstofu á Blönduósi miðvikudaginn 30. apríl kl. 16
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.39Þann 30. apríl nk. verður Landsnet með opinn fund í Eyvindarstofu á Blönduósi kl. 16:00 þar sem farið verður yfir og kynnt hvernig þau ætla að byggja upp öflugt, sveigjanlegt og sjálfbært flutningskerfi fyrir framtíðina. Þessi fundur er einn af átta sem Landsnet verður með í ferð sinni um landið þar sem þau ætla að ræða við fólk, svara spurningum og hlusta. Þetta er opið samtal og þú ert hluti af því.Meira -
Vorfagnaður í Árgarði
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.30Laugardaginn 26. apríl nk. kl 20:00 verður vorinu fagnað í Árgarði. Til stendur að borða saman kótilettur með tilheyrandi meðlæti. Tala, syngja og dansa saman inn í nóttina.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.