Súrsætt jafntefli í fyrsta leik Tindastóls í efstu deild
Stólastúlkur tóku á móti liði Þróttar Reykjavík á Sauðárkróksvelli í kvöld í fyrstu umferð Pepsi Max deildarinnar í knattspyrnu. Sannarlega stór dagur í sögu fótboltans á Króknum, flaggað í bænum af því tilefni, og kannski viðeigandi að bjóða upp snarpa norðangolu á Króknum – enda er Pepsi Max best ískalt. Lið gestanna var meira með boltann í leiknum en lentu undir og allt leit út fyrir að aðdáunarverður varnarleikur Tindastóls dygði til sigurs en gestirnir jöfnuðu í uppbótartíma. Jafntefli því sanngjörn úrslit.
Það mátti búast við smá sviðsskrekk hjá heimastúlkum í dag en þó spilið væri væri ekki fallegt á köflum þá var einbeitingin og baráttan upp á tíu. Sérstaklega var varnarlínan öflug með Bryndísi og Kristrúnu í hjartanu og Laufeyju og Maríu ólseigar í bakvarðarstöðunum. Fyrir framan þær var Bergljót dugleg en Dom átti frekar erfitt uppdráttar, virðist eiga talsvert í að komast í form en hún getur spilað boltanum betur en hún gerði í kvöld. Aldís María og Jackie komust ekki nóg á boltann, Murr var sívinnandi frammi og ógnandi. Hugrún átti virkilega góðan leik en best var Amber í markinu, greip hvað eftir annað vel inn í og varði markið af öryggi.
Það má nánast segja að lið Tindastóls hafi skorað úr fyrstu hættuleg sókn sinni í leiknum en sóknarleikurinn hafði verið ómarkviss fram að því. Þróttarstúlkur björguðu í horn en hornspyrna Laufeyjar á 36. mínútu barst á endanum til Hugrúnar sem potaði boltanum í markið og gerði þar með fyrsta mark Tindastóls í efstu deild. Markinu var að sjálfsögðu vel fagnað. Gestirnir reyndu að jafna fyrir hlé en Amber varði vel.
Þróttarar pressuðu nánast allan síðari hálfleikinn en Stólastúlkur vörðust vel. Lið Þróttar varð pínu örvæntingarfullt þegar á leið og þær reyndu að sækja aukaspyrnur. Heldur þótti stuðningsmönnum Tindastóls dómarinn vera gjafmildur og fannst t.d. aukaspyrna sem Katherina Cousins fiskaði á fyrstu mínútu uppbótartíma vera ódýr. Hún hafði skömmu áður sent aukaspyrnu langt upp í Grænuklaufina en nú setti hún boltann óverjandi í markið hjá Amber. Bæði lið reyndu að sækja sigurmarkið og lið Tindastóls var óheppið að næla ekki í stigin þrjú en Íris Dögg var vel staðsett í marki Þróttar í klafsi eftir hornspyrnu.
Leikurinn í kvöld sýnir og sannar að lið Tindastóls getur gert öðrum liðum í deildinni skráveifu en augljóslega þarf að auka breiddina í liðinu hið fyrsta. Það er hægt að komast bísna langt með góðu hugarfari og baráttu en liðið þarf að halda boltanum betur innan liðsins. Eitt stig komið í hús – næstum þrjú – og nú er það bara þetta gamla góða áfram gakk!
Næsti leikur er gegn liði Fylkis í Árbænum.
Fleiri fréttir
-
Ungmennaþing SSNV 2024 fer fram 11. september
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 09.09.2024 kl. 15.25Á vef SSNV segir að þann 11. september fer fram ungmennaþing SSNV í Félagsheimilinu á Blönduósi, er þetta annað árið í röð sem þingið er haldið. Ungmennaþingið er hluti af áhersluverkefninu Ungt fólk á Norðurlandi vestra og er markmið þess að skapa vettvang fyrir ungt fólk til að tjá skoðanir sínar og ræða málefni sem brennur á því, valdefla og efla tengslanet þessa hóps. Jafnframt að kynna menningu landshlutans fyrir ungu fólki og fá þeirra sýn inn í samráðsvettvang sóknaráætlunar. Ungmennaþingið á þess vegna þátt í að gefa krökkum á svæðinu rödd og tækifæri til þess að hafa áhrif í landshlutanum, en við ætlum líka að skemmta okkur.Meira -
Það harðnar á dalnum hjá Húnvetningum
feykir.is Austur-Húnavatnssýsla, Íþróttir, Vestur-Húnavatnssýsla 08.09.2024 kl. 22.03Það var spilað á Sjávarborgarvelli á Hvammstanga í dag í 21. umferð 2. deildarinnar í knattspyrnu. Þá tók Kormákur/Hvöt á móti Knattspyrnufélagi Austurlands sem hefur verið í toppbaráttunni í mest allt sumar en var rétt búið að missa af lest þeirra liða sem vilja fylgja liði Selfoss upp í Lengjudeildina. Leikurinn var því kannski ekki mikilvægur fyrir gestina en hann var það sannarlega fyrir lið Húnvetninga sem berst fyrir lífi sínu í deildinni. Það var lið KFA sem hafði betur, vann leikinn 1-3.Meira -
Appelsínugul viðvörun og norðanhvellur í kortunum
feykir.is Skagafjörður, Austur-Húnavatnssýsla, Vestur-Húnavatnssýsla 08.09.2024 kl. 15.49Í tilkynningu frá almannavörnum á Norðurlandi vestra er vakin athygli á slæmri veðurspá fram á seinni hluta þriðjudags. Búið er að gefa út af Veðurstofu að frá og með seinnipartinum á morgun, mánudegi, verði gefin út appelsínugul veðurviðvörun sem að nær langt fram á þriðjudag.Meira -
Allt er gott sem endar vel
feykir.is Skagafjörður 08.09.2024 kl. 15.06Feykir sagði frá því undarlega máli á föstudag að húseigandi við Sæmundargötu á Sauðárkróki næði ekki að afhenda nýjum eiganda húsið þar sem leigjandi hans neitaði að yfirgefa húsið. Nú hefur þetta málið fengið farsælan endi þar sem félagsmálayfirvöld í Skagafirði gripu í taumana og komu manninum fyrir á gistihúsi.Meira -
Íslenskar göngudrottningar taka Kóngaveginn með trompi
feykir.is Skagafjörður, Ljósmyndavefur, Mannlíf, Lokað efni 08.09.2024 kl. 11.40Fyrr í sumar hélt gönguhópur sem kallar sig Föruneyti Írisar í vikuferð til Noregs, með það að markmiði að ganga hluta af gamalli póst-og þjóðleið sem kallast Kongeveien over Filefjellet á tungu þarlendra. Skemmst er frá að segja að ferðin heppnaðist vel og göngu-dagarnir þrír, ásamt dvöl í einstaklega fallegu umhverfi í Lærdal, Aasane og Bergen, heppn-uðust vel. Komu konurnar þrettán sem tóku þátt endurnærðar til síns heima viku síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.