Styrktarhlaup Einstakra barna á Sauðárkróki þann 1. maí
Hlaupahópurinn 550 rammvilltar ætla að taka Áslaugu Örnu Sigurbjörnsdóttir, háskóla-, iðnaðar- og nýsköpunarráðherra, sér til fyrirmyndar og efna til styrktarhlaups fyrir Einstök börn, sem er stuðningsfélag barna og ungmenna með sjaldgæfa sjúkdóma eða sjaldgæf heilkenni.
Búið er að stofna viðburð á Facebook undir heitinu „Styrktarhlaup Einstakra barna á Sauðárkróki“ og kemur þar fram að hlaupið verði sett upp sem 5 km leið en öllum er frjálst að hlaupa lengri eða styttri vegalengdir.
„Hugmyndin er fyrst og fremst sú að öll geti tekið þátt í hlaupinu, hafa gaman saman og styrkja Einstök börn í leiðinni. Það verður engin tímataka og það má ganga og hlaupa, með vagn, stól, börn eða bara sjálfan sig. Hlaupið verður frá Sundlaug Sauðárkróks mánudaginn 1. maí og hefst hlaupið kl. 17:00. Boðið verður upp á létta upphitun fyrir hlaup og stuttar teygjuæfingar og drykk að hlaupinu loknu.
Félagsmenn hlaupahópsins 550 rammvilltar munu greiða 2000 kr. í þátttökugjald sem rennur beint til Einstakra barna og eru öllum frjálst að leggja málefninu lið á staðnum.
Við hvetjum ÖLL til þess að taka þátt, mæta á staðinn ca. 30 mín fyrir hlaup og gaman ef gætum glitrað svolítið saman í anda Einstakra barna. Svo dragið upp glimmergallann og hlaupaskóna og hlaupið með okkur til styrktar þessu góða málefni! Hlökkum til að sjá ykkur!“
Í hlaupahópnum 550 rammvilltar eru nokkrar konur á Sauðárkróki sem hafar það að markmiði að stunda utanvegarhlaup og fjallgöngur.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.