Styðjum Kvennathvarfið – öll með tölu
feykir.is
Aðsendar greinar
19.09.2012
kl. 08.21
Heimilisofbeldi er mikið böl fyrir þá sem slíkt þurfa að þola beint og ekki síður fyrir þau börn sem verða vitni að slíku. Því miður er það svo að konur og börn eru oftar fórnarlömb heimilisofbeldis en karlar. Þess vegna var það á sínum tíma mikið framfaramál þegar konur úr ýmsum áttum tóku sig til og opnuðu Kvennaathvarfið.
Þar er athvarf fyrir konur og börn þeirra sem ekki geta búið heima hjá sér vegna ofbeldis. Á hverju ári dvelja 100-130 konur í athvarfinu ásamt börnum sínum þegar dvöl í heimahúsum er þeim óbærileg vegna ofbeldis af hendi einhvers nákomins. Einnig koma árlega 200-300 konur í Kvennaathvarfið í ráðgjafar- og stuðningsviðtöl. Þá eru ótaldar konur sem taka þátt í sjálfshjálparhópum og hringja í neyðarsíma athvarfsins.
Samtök um kvennaathvarf búa ekki við fasta fjármögnun og þurfa að fjármagna starfsemina með styrkjum frá ríki, sveitarfélögum, fyrirtækjum og velvildarfólki. Núverandi húsnæði Kvennaathvarfsins rúmar ekki starfsemina svo vel fari. Kvennaathvarfið starfar í eigin húsnæði sem keypt var fyrir gjafa- og söfnunarfé. Brýnt er að stækka við sig og hafa samtökin nú hleypt af stokkum sérstöku fjáröflunarátaki til að gera það kleift.
Nú gefst okkur Skagfirðingum tækifæri til að leggja okkar að mörkum til húsnæðiskaupa athvarfsins. Það getum við gert með því að kaupa tölu sem kostar 1.000 kr. stykkið. Þær eru til í öllum regnbogans litum og fást í verslunum Kaupfélags Skagfirðinga, hjá Íslandspósti og einnig í Ráðhúsinu.
Mér er sagt að Kvennaathvarfið hafi reynst konum og börnum úr Skagafirði ákaflega vel sem þangað hafa þurft að leita. Sveitarfélagið hefur þess vegna á undanförnum árum veitt athvarfinu örlítinn rekstrarstyrk. Bætum nú um betur og kaupum tölu, öll með tölu.
Ásta Björg Pálmadóttir, sveitarstjóri
Fleiri fréttir
-
Fermist í hvítum blúndukjól og Jordans skóm
feykir.is Austur-Húnavatnssýsla, Lokað efni 24.04.2025 kl. 13.00Arney Nadía Hrannarsdóttir býr á Skagaströnd og foreldrar hennar eru Alexandra Ósk Guðbjargardóttir og Hrannar Baldvinsson. Sr. Guðni Þór Ólafsson sér umferminguna sem verður í Hólaneskirkju þann 8. júní.Meira -
Myndi bjóða LeBron James í veisluna
feykir.is Skagafjörður, Lokað efni 24.04.2025 kl. 09.00Jón Karl Brynjarsson verður fermdur af sr. Höllu Rut Stefánsdóttur þann 24. apríl í Reynistaðarkirkju. Foreldrar Jóns Karls eru Brynjar Sindri Sigurðarson og Guðrún Helga Jónsdóttir í Miðhúsum í Akrahreppi.Meira -
Gleðilegt sumar!
feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 08.00Sumardagurinn fyrsti er í dag og óskar Feykir lesendum gleðilegs sumars. Þessi fallegi dagur virðist ætla að bjóða upp á ágætis veður, hitinn á Norðurlandi vestra víðast hvar milli 6-7 stig, hæg breytileg átt og bjartviðri, samkvæmt spá Veðurstofunnar. Það er því ekkert því til fyrirstöðu en að fagna komu sumars með því að stökkva í stuttbuxur eða hvað, kannski þeir allra hörðustu, og kíkja á þá viðburði sem eru á dagskrá sem eru reyndar ekki margir en nokkrir þó.Meira -
Miðasalan hefst í dag
feykir.is Skagafjörður, Lokað efni 23.04.2025 kl. 15.00Leikfélag Sauðárkróks frumsýnir nú næskomandi sunnudag 27.apríl leikritið „Flæktur í netinu“ í leikstjórn Valgeirs Skagfjörð. Miðasala hefst í dag, miðvikudag á tix.is.Meira -
Faxi er kominn heim
feykir.is Skagafjörður 23.04.2025 kl. 14.22Að morgni dags 21. júlí 2023, sagði Feykir frá því að Faxi hafi tekið á flug á vit nýrra ævintýra. Næsti áfangastaður var Reykjavík þar sem hann var gerður sýningarhæfur og hafður á sýningu á Korpúlfsstöðum. Þegar þeirri sýningu lauk hélt hann til Þýskalands þar sem færa átti kappann í brons áður en hann kæmi aftur heim á Sauðárkrók.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.