Stólastúlkur áberandi í Feyki vikunnar
Í tilefni glæsilegs árangurs kvennaliðs Tindastóls í fótbolta í sumar er Feykir vikunnar undirlagður viðtölum og umfjöllunum um ævintýri litla félagsins á Króknum. Að sjálfsögðu er annað bráðgott efni líka og dugar ekki minna en 16 síður þessa vikuna. Magnús Ásgeir Elíasson, bóndi á Stóru-Ásgeirsá í Húnaþingi setti á sig svuntuna og er matgæðingur vikunnar og býður upp á spennandi lambafille sem fyrsta rétt og svo kjötsúpu fyrir hálft hundrað manns. Í leiðara eru smá hugrenningar um nýja stjórnarskrá og gamla, fréttir á sínum stað og afþreying.
En aðalefni blaðsins er uppganga kvennaboltans í Skagafirði og þar má finna fjölmörg viðtöl við leikmenn, gamlar kempur, þjálfara fyrr og nú, stjórnarmenn og stuðningsfólk. Meðal þeirra eru þjálfararnir Guðni Þór Einarsson og Jón Stefán Jónsson, Rúnar Rúnarsson formaður deildarinnar, Valgerður Erlingsdóttir sem rifjar upp fyrstu ár kvennaboltans á Króknum, Svava Rún Ingimarsdóttir sú leikjahæsta, Vigdís Edda Friðriksdóttir Stólastúlka í toppliði Breiðabliks, Jackie Altschuld sem ætlar að koma aftur á Krókinn, Bryndís Rut fyrirliði og Hrafnhildur Björnsdóttir sem verið hefur lykilmaður úr nágrannabænum Blönduósi og Laufey Harpa varnajaxl.
Þá segir Guðjón Örn Jóhannsson, Gaui, frá því hvernig grunnurinn var lagður að þessum frábæra árangri stúlknanna og Sunna Björk Atladóttir fyrrverandi fyrirliði lýsir sinni hlið.
Fyrsta fótboltastelpan á Króknum, Vanda Sigurgeirsdóttir, er tekin tali en hún hefur afrekar margt á knattspyrnuvellinum sem og í þjálfun og segist hún afskaplega stolt af sínu liði af Króknum.
Inn á milli má svo finna kveðjur frá fjölda fólks alls staðar af jarðarkringlunni og ekki síst hamingjuóskir frá fyrirtækjum og félagasamtökum á svæðinu.
Fleiri fréttir
-
Jólahlaðborð Rótarýklúbbs Sauðárkróks
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 02.12.2024 kl. 11.40Rótarýklúbbur Sauðárkróks hefur undanfarin 12 ár haldið glæsilegt óleypis jólahlaðborð fyrir fjölskyldur í íþróttahúsinu á Sauðárkróki.Meira -
Kiwanisfélagar standa ljósavaktina í Sauðárkrókskirkjugarði
feykir.is Skagafjörður, Mannlíf, Lokað efni 02.12.2024 kl. 11.00Feykir kíkti við hjá þeim Kiwanis-félögum sem stóðu vaktina í kirkjugarðinum á Nöfum á sjálfan kosningadaginn. Líkt og undanfarin ár sér Kiwanisklúbburinn Drangey um lýsingu á leiðum í Sauðárkrókskirkjugarði.Meira -
Fyrsta lagið sem Stjáni fílaði í botn var með Sheryl Crow / KRISTJÁN REYNIR
feykir.is Skagafjörður, Tón-Lystin, Lokað efni 02.12.2024 kl. 09.47Það er Kristján Reynir Kristjánsson sem spreytir sig á Tón-lystinni í þetta skiptið. Hann er fæddur 1992 og með tónlistina í genunum en foreldrar hans eru Ragnheiður Ásta Jóhannsdóttir og Kristján Kristjánsson. Líkt og hjá gamla þá eru trommurnar hans hljóðfæri. „Ég fæddist á Akureyri og ólst upp í Skagafirðinum. Fjölskyldan flutti suður í nokkur ár, komum aftur norður árið 2007 og hér hef ég verið að mestu leyti síðan þá.“Meira -
Sjálfstæðisflokkur endaði stærstur í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla 01.12.2024 kl. 15.42Það var reiknað með spennandi kosningu í Norðvesturkjördæmi og glöggir spámenn og kannanir gerðu ráð fyrir að sex flokkar skiptu með sér þeim sex þingsætum sem í boði voru; Framsókn, Viðreisn, Sjálfstæðisflokkur, Flokkur fólksins, Miðflokkur og Samfylking. Síðan yrði happdrætti hvar uppbótarþingmaðurinn endaði. Það fór svo að hann endaði hjá Flokki fólksins sem fékk því tvo þingmenn í kjördæminu.Meira -
Samfylkingin kom, sá og sigraði
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.12.2024 kl. 15.02Kosið var til Alþingis í gær og lágu endanleg úrslit fyrir nú í hádeginu en síðastur til að detta inn á þing var Sigurður Ingi Jóhannsson, formaður Framsóknarflokksins Þá var þegar ljóst að Samfylkingin var ótvíræður sigurvegari kosninganna, bættu við sig níu þingsætum, eru því með 15 þingmenn og eina framboðið sem náði rúmlega 20% fylgi. Þá unnu Flokkur fólksiins og Viðreisn vel á, Miðflokkurinn bætti við sig sex þingmönnum og Sjálfstæðisflokkur var einn ríkisstjórnarflokkanna til að vinna varnarsigur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.