Stólarnir úr leik í Bikarkeppni KSÍ eftir naumt tap gegn Þórsurum
Það ætti ekki að hafa farið framhjá neinum að nú er grasið farið að grænka og því er það fótboltinn sem er tekinn við af körfunni á íþróttasviðinu. Tindastólsmenn eru fyrir löngu farnir að spretta úr spori og nú um helgina léku þeir við Þórsara á Akureyri í Bikarkeppni KSÍ.
Fyrsta umferð fór fram helgina áður og þá sló lið Tindastóls frændur sína í Fjallabyggð út í miklum markaleik sem endaði 6-3. Þar bar það helst til tíðinda að Ragnar Þór Gunnarsson gerði þrennu og Bjarni Smári Gíslason og Óskar Smári Haraldsson gerðu sitt markið hvor og síðan voru mótherjarnir svo almennilegir að skora í eigið mark. KF komst tvívegis yfir í fyrri hálfleik en Stólarnir náðu undirtökunum fyrir hlé og leiddu 4-2 í hálfleik.
Nú á laugardaginn mættust Tindastóll og 1. deildar lið Þórs frá Akureyri á KA-vellinum í leik sem í raun var heimaleikur Tindastóls. Það verður heldur betur ánægjulegt þegar Stólarnir fara að geta spilað vorleiki á Króknum á nýjum gervigrasvelli. Stólarnir urðu fyrir talsverðu mótlæti í fyrri hálfleik því Orri Freyr Hjaltalín kom Þórsurum yfir á 14. mínútu og síðan fór markamaskínan Ragnar Þór af velli meiddur um miðjan hálfleikinn. Stólarnir skoruðu mark sem dæmt var af og loks fékk Bjarni Smári að skoða rauða spjaldið hjá dómara leiksins á 40. mínútu og kom því ekki meira við sögu í leiknum. Þórsarar bættu síðan við marki á 44. mínútu og voru því 0-2 yfir í hálfleik.
Stólarnir náðu að girða sig betur í brók í síðari hálfleik og Hólmar Daði Skúlason minnkaði muninn á 69. mínútu. Ekki náðu Tindastólsmenn að jafna leikinn og Þórsurum því síður að bæta við mörkum og kvöddu Stólarnir því Bikarkeppni KSÍ eftir ágæta frammistöðu.
Keppni í 2. deild Íslandsmótsins hefst síðan um næstu helgi og gera Stólarnir sér þá lítið fyrir og renna alla leið á Hornafjörð til að etja kappi við lið Sindra. Leikurinn hefst kl. 14:00 laugardaginn 6. maí. Allir suðaustur!
Fleiri fréttir
-
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.