Stólarnir mæta liði Grindavíkur í úrslitakeppninni
Það voru margir með böggum hildar í dag og í kvöld á meðan beðið var eftir úrslitum í lokaumferð Subway-deildar karla í körfubolta. Lið Tindastóls og Stjörnunnar börðust um að tryggja sér sæti í úrslitakeppninni og reikna mátti með að bæði lið sigruðu í sínum viðureignum gegn neðstu tveimur liðum deildarinnar. Öllu máli skipti því hvernig leikur Álftaness og Hattar færi því ljóst var að ynni Höttur færu Stólarnir í sumarfrí en ef Álftanes hefði sigur þá yrði lið Tindastóls í sjöunda sæti og fengi tækifæri til að sýna sparihliðarnar í úrslitakeppninni.
Fyrst þurftu Tindastólsmenn þó að leggja lið Hamars úr Hveragerði og þar náðu okkar menn undirtökunum fljótt og örugglega, spiluðu bæði góða vörn og sókn í fyrsta leikhluta og leiddu að honum loknum, 30-13. Það sem eftir lifði leiks var munurinn jafnan um tuttugu stig, Stólarnir sýndu góða takta í sókninni en spöruðu sig svolítið í vörninni. Lokatölur voru 115-93 fyrir Stólana. Allir leikmenn Tindastóls fengu ágætan spilatíma og allir skoruðu nema Orri og Pétur og eðlilegt að menn skori ekki ef þeir skjóta ekki á körfuna.
Stigahæstir í liði Tindastóls voru Geks með 23 stig, Tóti og Drungilas gerðu 19 hvor, Woods 14 og Calloway 12.
Leikur Álftaness og Hattar var svolítið spes, gestirnir virtust vera að hvíla sinn mannskap fyrir úrslitakeppnina. Skorið var lítið og staðan í hálfleik 26-25 fyrir heimaliðið í Forsetahöllinni. Góður kafli Álftnesinga í þriðja leikhluta kom þeim rúmum tíu stigum yfir en í fjórða leikhluta kom lið Hattar muninum mest niður í sjö stig en leikurinn endaði með sigri heimamanna, 63-54, og því gátu Stólarnir fagnað sjöunda sætinu sem færir þeim einvígi gegn Grindvíkingum í úrslitakeppninni.
Það má segja að ólánið hafi elt meistara Tindastóls í vetur og liðið alls ekki sýnt hvers megnugt það er. Nú hefst önnur keppni og víst er að gæði hópsins eru talsverð og nú verðum við að vona að okkar menn snúi bökum saman og sýni sínar bestu hliðar. Heimaleikir Grindvíkinga verða spilaðir í Smáranum í Kópavogi og þar fer fyrsti leikur liðanna fram en vinna þarf þrjá leiki til að komast í undanúrslit. Áfram Tindastóll!
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.