Stólarnir ekki í stuði í Keflavík
Stólarnir mættu til leiks í Keflavík í gær í 2-0 stöðu í einvíginu við Keflavík í átta liða úrslitum Subway-deildarinnar. Þeir áttu því möguleika á að sópa Suðurnesjapiltunum í sumarfrí í Blue-höllinni en svo virðist sem þeir hafi skilið sópinn eftir heima í Síki því það var aldrei í spilunum að Keflvíkingar töpuðu leiknum. Þeir náðu yfirhöndinni undir lok fyrsta leikhluta og gestirnir náðu aldrei áhlaupi sem var líklegt til að snúa leiknum Stólunum í hag. Lokatölur 100-78.
Leikurinn var jafn fyrstu mínúturnar og liðin skiptust á um að skora. Hinn tvítugi Ólafur Ingi átti sennilega stærsta þáttinn í að kveikja neistann hjá heimamönnum en hann nýtti öll skot sín í leiknum og þar með talið fjóra þrista. Hann tróð heimamönnum yfir, 12-10, og kom þeim svo sex stigum yfir með þristi, 20-14, og eftir það litu heimamenn í raun aldrei til baka. Staðan var 26-18 að loknum fyrsta leikhluta og reyndar minnkaði Pétur muninn í fjögur stig, 28-24, snemma í öðrum leikhluta en heimamenn svöruðu með 10-0 kafla og fjórtán stigum munaði í hálfleik. Staðan þá 53-39.
Keflvíkingar náðu 18 stiga forystu í byrjun síðari hálfleiks en Pétur svaraði með þristi. Hann og Davis Geks settu báðir fjóra þrista en aðrir voru ekki heitir utan 3ja stiga línunnar þó liðið hafi í heildina skotið yfir 40 þristum. Eftir 25 mínútna leik voru heimamenn komnir með ríflega 20 stiga forystu og staðan 77-54 þegar leikhlutanum lauk eftir þrist frá Ólafi Inga. Það var því nokkuð ljóst í hvað stefndi og ólíklegt að Stólarnir næðu öðrum eins leikhluta og þeim þriðja í leik tvö sem þeir unnu með 23 stiga mun. Fjórði leikhlutinn var reyndar eini leikhlutinn þar sem Stólarnir höfðu betur en hann vannst reyndar bara með einu stigi, 23-24, þannig að það kom ekki að miklu gagni.
Davis Geks var stigahæstur Tindastólsmanna með 15 stig og Pétur var með 14 stig. Keyshawn var með 13 stig og Taiwo tíu en hann tók flest fráköst Stólanna eða sjö stykki. Erik Ayala var stigahæstur Keflvíkinga með 27 stig og Milka var með 21 og þá áttu Ólafur Ingi, Hörður Axel og David Okeke fínan leik. Keflvíkingar voru betri en Stólarnir á öllum sviðum í gær en mestu munaði að þeir hittu mun betur innan teigs, settu niður 29 skot á meðan Stólarnir settu 13. Þá var 3ja stiga nýting heimamanna töluvert betri en Stólanna.
Í viðtali við mbl.is sagði Pétur Rúnar að Stólarnir hefðu ekki náð að gera það sem þeir ætluðu sér inni á vellinum, það hefði vantað smá kraft í liðið og Stólarnir hefðu bara alls ekki verið nógu góðir. Keflvíkingar hefðu aftur á móti verið góðir og átt sigurinn skilinn.
Fjórði leikur liðanna fer fram á laugardaginn og hefst kl. 18:15. Áfram Tindastóll!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.