Stóla- og Keflavíkurstúlkur skiptu með sér stigunum
Lið Tindastóls og Keflavíkur mættust á Sauðárkróksvelli í dag í fyrstu umferð úrslitakeppni liðanna í neðri hluta Bestu deildarinnar. Suðvestan strekkingur setti talsvert strik í leikinn en var þó ekki það strembinn að ekki væri hægt að spila boltanum. Gestirnir komust yfir snemma leiks en Stólastúlkur jöfnuðu eftir klukkutíma leik og þar við sat. Lokatölur 1-1 og verða það að teljast nokkuð sanngjörn úrslit.
Lið Tindastóls hóf leik án Hönnuh Cade sem hefur nú varla misst mínútu úr síðan hún gekk til liðs við Tindastól. Hún var þó á bekknum líkt og Marta en þær stíða báðar við meiðsli. Í þeirra stað komu Elísa Bríet og Hugrún inn í byrjunarliðið. Murr kom boltanum í mark gestanna eftir tvær mínútur en markið var dæmt af vegna rangstæðu. Lið Keflavíkur lék með vindinn í bakið í fyrri hálfleik og það má segja að þær hafi nýtt sér hann þegar þær gerðu fyrsta mark leiksins eftir níu mínútur. Þá fengu þær aukaspyrnu á miðjum vallarhelmingi Tindastóls, boltinn var sendur inn á teig og vindurinn virtist plata varnarlínu Stólastúlkna og Kristrún Ýr Holm náði að reka löpp í boltann og Monica náði ekki að verja. Eftir markið komst lið Tindastóls betur inn í leikinn og liðin skiptust á um að eiga góða kafla fram að hléi.
Melissa fékk ágætt skallafæri eftir hornspyrnu frá Elísu snemma í síðari hálfleik en á 60. mínútu náðu Stólastúlkur að jafna leikinn. Þá átti markvörður gestanna slæma hreinsun, boltinn fór til Beatriz sem skóflaði boltanum í markið frá vítateig – frábær afgreiðsla. Eftir jöfnunarmarkið sóttu gestirnir í sig veðrið og pressuðu talsvert að marki Tindastóls en vörnin stóð sig með prýði og gaf engin færi á sér. Bæði lið áttu eitt gott skot á mark andstæðinganna en markverðirnir vörðu vel. Það voru gestirnir sem þurftu meira á stigunum að halda og reyndu hvað þær gátu til að ná inn sigurmarki á lokakaflanum en höfðu ekki erindi sem erfiði.
Liðsheildin var frábær í dag
Feykir lagði nokkrar laufléttar spurningar fyrir Donna þjálfara Tindastóls að leik loknum og byrjaði á að spyrja hvort hann væri sáttur við jafnteflið. „Við hefðum klárlega viljað vinna og ætluðum okkur það. Stelpurnar lögðu allt i leikinn gegn hörku liði Keflavíkur og ég er sáttur við framlag leikmannana. Jafntefli eru liklegast sanngjörn úrslit já og það var gríðarlega mikilvægt að tapa ekki leiknum allavega.“
Hvaða leikmenn fannst þér standa upp úr í liði Tindastóls?„Liðsheildin var frábær í dag og ég er ánægður með framlag allra leikmanna.“
Hvað fannst þér vanta upp á í dag til að ná sigri? „Það vantaði upp á örlitið betri ákvarðanir á sóknarhelmingi og dekkningu í föstu leikatriði.“
Hannah og Marta voru ekki í byrjunarliðinu í dag, hvað kom til? „Hannah meiddist aðeins á æfingu i vikunni og Marta hafði lika verið tæp eftir síðasta leik og ekkert getað æft í vikunni. Þær verða vonandi klárar i næsta leik báðar. Annars er standið heilt yfir gott á þeim leikmönnum sem eftir eru í hópnum.“
Hvernig leggst leikur við Selfoss í þig í næstu umferð? „Næsti leikur leggst auðvitað vel í okkur og við erum mjög spennt fyrir honum. Við erum hvergi bangin og ætlum okkur að ná markmiðum okkar.“
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.