Stofna hjólreiðaklúbb á Sauðárkróki
Hjólreiðafélagið Drangey heldur stofnfund í Húsi frítímans á Sauðárkróki á morgun, fimmtudaginn 10. maí kl. 20. Á fundinum verður félagið kynnt og einnig farið yfir starfsemi félagsins í sumar, sem verður fjölþætt og höfðar til allra hjólara.
Að sögn þeirra Péturs Inga Björnssonar og Yngva Yngvasonar verður klúbburinn undir verndarvæng siglingaklúbbsins Drangeyjar og fær nafn sitt þaðan. Þeir segja að klúbburinn sé formlega orðinn meðlimur í Hjólreiðasambandi Íslands, HRÍ.
Pétur segir að hann og fleiri hafi hafi hjólað undir merkjum Drangeyjar í WOW Cyclothon á síðasta ári en nú sé hugmyndin að opna á starfsemi fyrir alla. „Þetta verður fyrir alla sem hafa áhuga á að hjóla hvort heldur sem er í keppnum eða ekki. Þetta er ekki bara fyrir þá sem mæta í spandexgalla. Það eru margir sem hjóla og hafa áhuga á að hjóla,“ segir Pétur og Yngvi bætir við: „Og í leiðinni ætlum við að hvetja fólk til að vera með á Landsmótinu. Þar verður fjallahjólabraut og svo hjólaður Blönduhlíðarhringurinn. Okkur langar til að sýna fólki fram á það að þetta er ekki svo stórt mál að hjóla marga kílómetra.“
Þeir segja að einnig sé stefnt á að hittast reglulega, minnst einu sinni í viku. Þeir félagar segja að margir innan klúbbsins búi yfir miklum upplýsingum er varða tæknileg atriði hjólamennskunnar sem allir fái notið.
„Við ætlum að gefa af okkur, vegna reynslu okkar og þekkingu og reyna að virkja fólk. Það er það sem þetta snýst um,“ segir Yngvi.
Pétur tekur undir og segir að í og með sé um lýðheilsumál að ræða. „Ég held að almenn vakning sé hjá fólki að lýðheilsa skiptir máli hvort sem er um hjólreiðar eða aðra hreyfingu. Þetta er bráð skemmtileg og holl hreyfing og margir sem eru að hjóla.“
Þeir Pétur og Yngvi vilja hvetja alla áhugasama til að kíkja á fundinn á morgun og helst að taka þátt í starfsemi klúbbsins.
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.