Stjörnustúlkur sterkari á endasprettinum
Kvennalið Tindastóls fór suður í Garðabæinn í gær þar sem þær mættu liði Stjörnunnar fyrir framan 28 áhorfendur í Mathús Garðabæjar höllinni. Leikurinn var lengstum jafn og spennandi þó svo heimastúlkur hafi lengstum haft frumkvæðið. Heimastúlkurnar hófu fjórða leikhluta af krafti og þá áttu gestirnir ekkert svar. Lokatölur 84-63 eftir að þremur stigum hafði munað í hálfleik.
Liðin fóru hægt af stað í leiknum en lið Tindastóls komst í 2-6 með körfum frá Ksenju og Maddie. Næstu níu stigin gerðu heimastúlkur og þær leiddu að loknum fyrsta leikhluta, staðan 16-10. Diljá Lárusdóttir skellti í þrist í upphafi annars leikhluta fyrir lið Stjörnunnar en hún reyndist Stólastúlkum erfið í leiknum, gerði 31 stig og hirti níu fráköst. Gestirnir gáfust þó ekkert upp og Ingibjörg Fjóla minnkaði muninn í þrjú stig með þristi, 29-26, þegar leikhlutinn var rúmlega hálfnaður og Eva Rún jafnaði síðan metin, 29-29, sömuleiðis með þristi. Maddie setti síðan niður tvö víti og kom liði Tindastóls yfir en það voru heimastúlkur sem kláruðu leikhlutann betur og voru yfir, 37-34, að honum loknum.
Lið Stjörnunnar var skrefinu á undan í þriðja leikhluta og var jafnan fjórum til átt stigum yfir og var staðan 57-51 að honum loknum. Þær gerðu síðan sjö fyrstu stigin í fjórða leikhluta og náðu síðan 15 stiga forystu eftir þriggja mínútna leik. Þá var mesti vindurinn úr seglum Stólastúlkna og þær náðu ekkert að laga stöðuna áður en yfir lauk.
Lærum af þessu
Maddie gerði 25 stig fyrir Stólastúlkur og tók 13 fráköst auk þess að eiga fimm stoðsendingar. Ksenja var með 13 stig og fimm stoðsendingar, Anna Karen gerði átta stig, Fanney María sex og nýtti öll skotin sín en aðrir leikmenn Tindastóls náðu sér ekki á strik í stigaskorinu.
Tapaðir boltar reyndust Stólastúlkum erfiðir en liðið tapaði 22 boltum á meðan heimastúlkur töpuðu boltanum tíu sinnum og fengu fyrir vikið fleiri skot.
„Mér fannst við sýna styrk okkar í fyrri hálfleik, þó svo við hefðum gert mikið af mistökum, en vorum samt að gera vel. Þriðji fjórðungurinn var í lagi en frammistaðan í lokafjórðungi var bara ekki nógu góð gegn þessu liði. Við munum læra af þessu og vinna að því að þróa leik okkar og þekkingu,“ sagði Jan Bezica, þjálfari Tindastóls, þegar Feykir spurði hvað honum hefði þótt um leikinn.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.