Stemmingin, gleðin og ánægjan er það besta við Bjórhátíðina á Hólum
Bjórhátíðin á Hólum er nú um helgina í Hjaltadalnum, nánar tiltekið í íþróttasal Hólaskóla á milli kl. 15 og 19. Hátíðin hefur fest sig í sessi sem ein helsta bjórhátíð landsins en í kynningu segir að flest öll brugghús muni mæta á hátíðina og munu gestir geta smakkað bjór frá þeim að vild – eða þangað til kútarnir tæmast. Feykir lagði nokkrar spurningar fyrir einn höfuðpaura hátíðarinnar, Bjarna Kristófer Kristjánsson, hjá Bjórsetri Íslands.
Hvað er gert á Bjórhátíðinni á Hólum? „Bjórhátíðin á Hólum er matarhátíð, þar sem fólki stendur til boða að smakka margvíslegan handverksbjór. Auk þess hefur hátíðin þróast yfir í mikla matarhátíð, þar sem boðið er upp á heimagerðar kræsingar. Fjölmargir gera sér ferð á Hóla bara fyrir matinn. Á hátíðinni er líka árleg kútarúll-keppni, þar sem keppst er við að rúlla bjórkút í gegnum þrautabraut. Það er happadrætti, þar sem aðalvinningurinn er að taka þátt í bruggun hjá okkur í Bjórsetri Íslands, gisting og matur í boði Kaffi Hólar. Þátttakendur kjósa svo um besta bjór hátíðarinnar,“ segir Bjarni en segir að í ár verði 13 brugghús á hátíðinni og einn framleiðandi á óáfengum drykkjum en yfirleitt er hver þáttakandi með 2-4 bjóra og því útlit fyrir spennandi úrval fyrir áhugafólk um bjór.“
Er einhver einn bjór sem þú ert spenntur fyrir að smakka þetta árið? „Ég er ekki kominn svo langt að pæla í því. Við erum búin að vera á fulli í undirbúningi, bruggun á bjór og að setja hann á dósir, þannig að það gefst lítill tími. En það eru ýmsar tískur í bjórgerðinni, stundum mikið af sterkum dökkum, stundum mikið af sumarsúrbjórum, en allir eru þeir góðir. Mér finnst bjórar sem líkja eftir enskum ölum góðir og vonandi verða einhverjir þannig til að smakka.“
Hvað er það besta við Bjórhátíðina á Hólum? „Stemmingin, gleðin og ánægjan. Mér finnst magnað hvað allir sem mæta eru áhugasamir um að smakka. Hátíðin er ekki of stór, þannig að það er hægt að spjalla við bruggarana. Maturinn er svo frábær.“
Hafa þeir sem ekki drekka áfengi gagn að því að heimsækja hátíðina? „Þeir sem ekki drekka geta notið matarins og stemmingarinnar á hátíðinni. Við höfum verið með sérstaka díla við innganginn fyrir bílstjóra,“ bætir Bjarni við og áréttar síðan að Bjórhátíðin sé nú á laugardaginn og stendur milli 15 til 19. „Á föstudagskvöldinu og laugardagskvöldið verður barinn okkar á Hólum opinn, þó lítill sé. Við verðum með stórt tjald þannig að hægt er að setjast inn í það til að borða og spjalla.“
Veðurspáin gerir ráð fyrir sólarleysi en nokkuð hlýju og stilltu veðri á laugardeginum. Því ættu gestir ekki að þurfa óttast sólbruna – sem er kostur – en ættu að geta notið hátíðarinnar í hófstilltu sumarveðri.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.