Spennusigur Stóla í Síkinu
Það var hart tekist á í Síkinu á Króknum í kvöld þegar Keflvíkingar sóttu Stóla heim í VÍS bikarkeppninni í körfubolta. Eftir góðan leik gestanna í fyrri hálfleik snéru leikmenn Tindastóls taflinu við í þeim seinni og lönduðu sætum baráttusigri í höfn og unnu með 84 stigum gegn 67.
Bæði lið komu vel stefnd til leiks í kvöld og ljóst að um hörku rimmu yrði að ræða. Keflvíkingar leiddu frá fyrstu mínútu án þess að ná að hrista gestgjafana af sér og voru yfir 25 – 22 eftir fyrsta leikhluta. Minna var skorað í þeim næsta þar sem gestir skoruðu 16 stig en Stólar aðeins 14 og staðan í hálfleik því 41- 36.
Sömu spennu og skemmtun var áhorfendum boðið upp á í seinni hálfleik þar sem liðin skiptust á að skora en heldur söxuðu heimamenn á forskot Suðurnesjamanna og náðu loks að komast yfir þegar komið var fram yfir miðjan þriðja leikhluta 49-48 og létu það forskot ekki úr hendi það sem eftir lifði leiks.
Stólar náðu að halda Keflvíkingum í 11 stigum í þriðja leikhluta með góðum varnarleik og ekki voru þeir síðri í sókninni og komu 23 stigum á töfluna og staðan vænleg fyrir heimamenn þegar honum lauk 59-52.
Áfram var haldið í þeim fjórða og sama barátta upp á teningnum í lokahlutanum. Boðið var upp á eðal körfubolta tveggja frábærra liða en þrátt fyrir nokkra góða spretti gestanna vörnuðu Stólar þeim ætíð að koma sér inn í leikinn meðan boltinn rataði sína réttu leið hjá heimamönnum sem unnu leikinn sannfærandi með 84 stigum gegn 67 eftir að hafa skorað 25 stig gegn 15 Keflvíkinga í lokaleikhluta.
Jaka Brodnik reyndist sínum gömlu félögum í Tindastól erfiður í kvöld en hann gerði 21 stig í leiknum, stigahæstur gestanna en Dominykas Milka kom næstur með 17.
Í liði Tindastóls var Javon Anthony Bess stigahæstur með 20 stig, Pétur Rúnar og Taiwo Hassan Badmus með 15 og Sigtryggur Arnar 13.
Oft hafa stuðningsmenn Tindastóls verið bjartsýnir í byrjun körfuboltatímabils en sjaldan eins og eftir þennan leik. Stólar litu eins vel út og hægt er að óska sér í þeirra öðrum leik þessa leiktíðar og gáfu áhorfendum von um skemmtilegt framhald. Erlendu leikmenn Tindastóls komu vel út í kvöld og smellpassa í þéttingslið heimamanna og ekki er slæmt fyrir Stóla að vera komnir aftur með Sigtrygg Arnar og þá má ekki gleyma seiglu Sigurðar Þorsteinssonar sem er betri en enginn í Tindastólsbúningnum.
Áfram Tindastóll!
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.