Skráning í Sumar T.Í.M. á Sauðárkróki, Hofsósi og Hólum að hefjast
Skráning í tómstundir, íþróttir og menningu barna hefst á morgun, fimmtudag, í gegnum Íbúagátt sveitarfélagsins, www.skagafjordur.is eða á slóðinni http//tim.skagafjordur.is og stendur í eina viku.
Á Sauðárkróki er boðið uppá 8 vikur af skipulögðu íþrótta-og tómstundastarfi frá 7.júní - 29.júlí. Innan þessara 8 vikna eru 11 skemmtilegar íþróttagreinar og 26 spennandi námskeið fyrir börn fædd á árunum 1998-2003.
Börn fædd árið 2004 fá tækifæri til að taka þátt í fjörinu í 3 vikur á meðan leikskólarnir eru lokaðir (frá 12.júlí-29.júlí).
Þær íþróttir sem í boði verða eru: fótbolti, karfa, frjálsar og sund í samvinnu við Tindastól auk handbolta, badminton/tennis, fimleika, reiðnámskeiðs, siglinganámskeiðs og golf.
Til þess að nefna nokkur af þeim 26 námskeiðum sem í boði verða eru hjólreiðar, veiði, ævintýri í sveitinni, leiklist, myndlist, kofabyggð, ævintýri og útivist, matreiðsla, málun án pensla, dans, þæfing, fata- og búningagerð, ljósmyndun og mörg fleiri.
„Fyrstur skráir, fyrstur fær”
Við minnum foreldra á að engir miðar verða sendir heim með börnunum í sumar því allar upplýsingar verða á blogginu: www.sumartim.bloggar.is.
Þar sem reikna þarf út Hvatapeninga handvirkt að þessu sinni, verður ekki hægt að sjá í skráningunni á netinu hvort þeir koma inn. Greiðsluseðlar sem berast heim í sumar verða með réttum útreikningum og upphæðum.
Reglurnar eru þessar :
Hvatapeningar eru kr.10.000.- fyrir hvert barn á ári að uppfylltum ákveðnum skilyrðum. Barn verður að taka þátt í að minnsta kosti tveimur íþróttagreinum og einni tómstund í að lágmarki 4 vikur yfir sumarið. Foreldrar systkina fá eina hvatapeningagreiðslu ef kostnaður fyrir öll börnin nemur að lágmarki 30.000 kr. yfir sumarið.
Vika í Reiðnámskeiði eða Siglinganámskeiði jafngildir 2 vikum í öðrum íþróttum gagnvart hvatapeningum.
Athugið að fótboltinn hefst 31.maí og standa sumaræfingarnar þeirra til 26.ágúst.
Á Hólum er boðið upp á íþrótta- og leikjanámskeið frá kl. 8.30-14.00 í 4 vikur frá 7.júní – 2.júlí fyrir börn fædd 1998-2004. Vikan kostar kr. 6000.- og er boðið uppá fótbolta, frjálsar auk námskeiða. Hvatapeningar, 10.000.- dragast frá greiðslu þeirra sem velja allar 4 vikurnar og hafa ekki hlotið hvatapeninga fyrr á árinu 2010.
Á Hofsósi er boðið upp á 5 vikna íþrótta- og leikjanámskeið frá klukkan 9.30-12.30. Verðið fyrir 5 vikna námskeið er kr. 25.000 og dragast Hvatapeningar, kr.10.000.- frá geiðslu þeirra sem taka þátt í því öllu og ekki hafa hlotið hvatapeninga áður á árinu 2010.
Þeir sem ekki hafa aðgang að tölvu eru velkomnir í Hús frítímans og fá aðstoð við skráningu þar.
Ef einhverjar spurningar vakna bendum við á tölvupóstfangið tim@skagafjordur.is auk aðstoðar í Húsi frítímans.
Gleðilegt Sumar T.Í.M.
Fleiri fréttir
-
Sigur í æfiingaleik gegn FH í frumraun bandarísku stúlknanna
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 31.03.2025 kl. 15.53Lið Tindastóls í Bestu deild kvenna í knattspyrnu hefur samið við þrjár bandarískar stúlkur um að leika með liðinu í sumar. Það eru Grace Pettet sem er örvfættur varnarmaður, framherjinn Makala Woods og markvörðurinn Genevieve Crenshaw en hún er reyndar enn ekki kominn með leikheimild þó Donni þjálfari sé bjartsýnn á að það styttist í það. Áður var búið að segja frá því að hin þýska Nicole Hauk væri genginn til liðs við lið Tindastóls.Meira -
Íbúasamráð um sameiningarviðræður Dalabyggðar og Húnaþings vestra
feykir.is Vestur-Húnavatnssýsla 31.03.2025 kl. 12.35Verkefnisstjórn um óformlegar viðræður um sameiningu Dalabyggðar og Húnaþings vestra boðar til íbúafunda í Dalabúð þann 8. apríl kl. 17:00-19:00 og í Félagsheimilinu á Hvammstanga þann 9. apríl kl. 17:00-19:00.Meira -
Hljómbrá á Löngumýri
feykir.is Skagafjörður, Austur-Húnavatnssýsla, Vestur-Húnavatnssýsla 31.03.2025 kl. 11.47Tríóið Hljómbrá sem skipað er „brussunum úr Blönduhlíðinni“ þeim Gunnu í Miðhúsum, Kollu á Úlfstöðum og Írisi Olgu í Flatatungu heldur sína fyrstu tónleika á Löngumýri, þriðjudaginn 1. apríl kl. 20.00.Meira -
Siglingaklúbburinn Drangey, frestar aðalfundi
feykir.is Skagafjörður 31.03.2025 kl. 11.40Stjórn félagsins hefur ákveðið að fresta aðalfundi félagsins sem fyrirhugaður var miðvikudaginn 2. apríl um eina viku til miðvikudagsins 9. apríl vegna óviðráðanlegra utanaðkomandi aðstæðna.Meira -
Miklu stærra en Icesave-málið | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 31.03.2025 kl. 11.30Málið sem kennt er við bókun 35 við EES-samninginn er í raun miklu stærra en bæði Icesave-málið og málið varðandi þriðja orkupakka Evrópusambandsins. Miklir fjárhagslegir hagsmunir voru í húfi í Icesave-málinu sem snerist þó einungis um eina tiltekna lagagerð sambandsins. Tilskipun þess um innistæðutryggingar. Þriðji orkupakkinn varðar að sama skapi mikla hagsmuni í orkumálum en snýst þó að sama skapi um afmarkað regluverk.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.