Skín við sólu
Það má með sanni segja að sólin skíni við okkur Skagfirðingum þessa dagana. Það er ekki bara að vorið og sumarið séu á næsta leiti heldur upplifum við nú eina mestu uppgangs- og uppbyggingartíma seinni ára í fallega firðinum okkar.
Ég, eiginmaður minn og dætur fluttumst aftur heim í Skagafjörðinn árið 2012. Eftir nám og búsetu í Kópavogi, Reykjavík, Seattle og Kaupmannahöfn var stefnan tekin á Krókinn þar sem leiðir okkar hjóna lágu saman í FNV árið 1999. Hérna hefur okkur og börnunum liðið vel og viljum við hvergi annarsstaðar vera.
Skagafjörður hefur öll einkenni blómlegs, lifandi og kraftmikils samfélags - sem því miður er alls ekki sjálfgefið í dreifðri byggð á landsbyggðinni. Hér er næga atvinnu að hafa og finna flestir eitthvað við sitt hæfi. Fyrirtækin okkar, stór og smá, eru kraftmikil og framsækin. Í matvælahéraðinu Skagafirði blómstrar atvinnulífið, hvort heldur sem litið er á framleiðslufyrirtækin eða stoðfyrirtækin. Unga fólkinu okkar fjölgar, leikskólaplássin eru vel nýtt og eftirspurn eftir mun fleiri. Skólarnir okkar á öllum skólastigum eru í fremstu röð og þar er unnið faglegt og metnaðarfullt starf af miklu fagfólki. Sjaldan eða aldrei hefur jafn mikið verið byggt og fjárfest í Skagafirði, í íbúðarhúsnæði, iðnaðarhúsnæði, fjósum og fjárhúsum. Allt eru þetta einkenni þess að það sé gott að búa í Skagafirði; hér eru tækifæri, hér er blómlegt, hér er kraftur og hérna vill fólk vera. Sólin skín svo sannarlega við Skagafirði.
Sveitarfélagið Skagafjörður, sameign okkar allra, hefur ekki látið sitt eftir liggja í þessari miklu uppbyggingu. Mikið hefur verið framkvæmt og má sem dæmi nefna nýlega hitaveituvæðingu í Fljótum og í gamla Lýtingsstaðahreppi. Gervigrasvöllur er nánast tilbúinn á Sauðárkróki. Endurbætur standa yfir á sundlauginni á Sauðárkróki og til stendur að setja upp rennibraut í sundlauginni í Varmahlíð á næstu vikum. Fjárfest hefur verið í skólahúsnæði Árskóla og leikskóla í Varmahlíð og fyrirhugaðar framkvæmdir á Hofsósi einnig. Við ætlum að halda áfram og gera enn betur því miklir möguleikar eru í frekari uppbyggingu skóla og leikskóla í Skagafirði. Sérstaklega er þörf á fjárfestingu og uppbyggingu á leikskólum í firðinum og ætlum við í Framsóknarflokknum að vinna að varanlegri lausn fyrir börn og foreldra á næsta kjörtímabili.
Á sama tíma hefur rekstur sveitarfélagsins sjaldan eða aldrei verið betri. Mikill viðsnúningur hefur orðið á undanförnum árum í rekstri sveitarsjóðs, tekist hefur að greiða niður mikið af skuldum og staðan í rekstrinum er góð.
Margt er þó enn ógert og mörg spennandi verkefni framundan. Fara þarf í aðgerðir til að efla íþrótta- og forvarnarstarf, fegra umhverfið okkar, efla lista- og menningarstarf, efla íbúalýðræði og tryggja áfram öflugt atvinnulíf - svo einungis séu nefnd örfá af okkar áherslumálum. Góður rekstur sveitarsjóðs undanfarin ár undir styrkri stjórn Framsóknarflokksins gerir það mögulegt að fylgja okkar áherslumálum eftir og hrinda þeim í framkvæmd.
Við, frambjóðendur Framsóknarflokksins, hlökkum til að hitta ykkur og ræða um áhersluatriði okkar á básnum okkar á Atvinnulífssýningunni um komandi helgi.
Laufey Kristín Skúladóttir
Höfundur skipar þriðja sæti á lista Framsóknarflokksins í Skagafirði
Fleiri fréttir
-
Grátlegt tap á móti Þór/KA
feykir.is Skagafjörður, Íþróttir, Lokað efni 22.04.2025 kl. 09.51Stólastelpur spiluðu sinn annan leik í Bestu deildinni í gær í Boganum á Akureyri á móti sterku liði Þórs/KA. Úrslit leiksins voru hins vegar sorgleg fyrir okkar stelpur sem töpuðu leiknum 2-1. Þegar þessi lið mættust síðast áttu Stólastelpur engan séns og fengu níu mörk á sig en annað var uppi á teningnum í gær. Donni, þjálfari stelpnanna, segir í samtali við visir.is að þær hafi verðskuldað sigur í leiknum miðað við vinnuframlagið, baráttuna og færin og algjört bull að Þór/KA hafi unnið leikinn.Meira -
Jólin heima er framúrskarandi verkefni á sviði menningar
feykir.is Skagafjörður 22.04.2025 kl. 09.30Verkefnið Jólin heima, sem hefur fest sig í sessi sem árviss menningarviðburður í Skagafirði, hefur verið valið Framúrskarandi verkefni ársins 2024 hjá SSNV. Tónleikarnir, sem leiddir eru af Jóhanni Daða Gíslasyni, hafa skapað sér sérstakan stað í hjörtum heimamanna.Meira -
Eitt stig komið á Krókinn
feykir.is Skagafjörður, Íþróttir, Lokað efni 22.04.2025 kl. 09.12Það var heldur betur veisla í Síkinu í gær þegar Stólarnir mættu Álftnesingum í fyrsta einvígi liðanna í 4-liða úrslitum. Það var von á leik sem enginn körfuboltaáhugamaður vildi missa af því þegar þessi tvö lið hafa mæst í vetur hafa verið hörkuleikir þar sem Tindastóll vann fyrri leikinn 109-99 í lok nóvember en síðari leikurinn fór 102-89 fyrir Álftanes í lok febrúar. En það var því miður ekki raunin því Stólarnir voru með tökin á leiknum allan tímann og unnu sannfærandi sigur, lokatölur 100-78.Meira -
Forsala hefst á morgun
feykir.is Skagafjörður, Austur-Húnavatnssýsla, Vestur-Húnavatnssýsla 21.04.2025 kl. 22.29Þann 23. október sl. hefði Stefán R. Gíslason tónlistarkennari, kórstjóri og organisti í Varmahlíð orðið sjötugur. Þann sama dag sagði sr. Gísli Gunnarsson á Hólum frá því á Facebook síðu sinni að hann hefði ákveðið, í samráði við fjölskyldu Stefáns, að stofna minningarsjóð í hans nafni. Nú hefur verið ákveðið að halda tónleika í fjáröflunarskyni fyrir sjóðinn.Meira -
Finnst ekki gaman að gera eins og allir hinir
feykir.is Skagafjörður, Lokað efni 21.04.2025 kl. 13.00Sigrún Helga Indriðadóttir á Stórhóli í Lýtingsstaðahreppi hinum forna, konan á bak við Rúnalist, móðir fimm barna, amma þriggja, bóndi, handlagin, listakona sem hleypti heimdraganum og fór í framhaldsskóla FVA á Akranesi og síðan í Garðyrkjuskóla ríkisins á Reykjum í Ölfusi. Hún hefur í gegnum tíðina unnið við ýmislegt, garðyrkju, malbikun, fiskvinnslu, í mötuneyti, á hóteli, við kennslu, landbúnaðarstörf, eigin matvælaframleiðslu og sinnt barnauppeldi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.