Skellur hjá þunnskipuðum Tindastólsmönnum
Norðanmenn sóttu ekki gullið suður yfir heiðar í gær. Húnvetningar fengu á sig sjö mörk gegn b-liði FH og lið Tindastóls þurfti að hirða boltann fimm sinnum úr netinu gegn b-liði KR í Vesturbænum. Stólarnir náðu forystunni gegn liði KV en heimamenn voru komnir yfir fyrir hlé og kláruðu dæmið síðan í síðari hálfleik. Nú þurfa Tindastólsmenn að fara að klína nokkrum stigum á töfluna ef þeir ætla ekki að sogast niður í fallbaráttu á síðustu metrum keppninnar í 3. deildinni.
Hann var ekki breiður hópurinn sem Stólarnir fóru með suður í gær. Bjarni Smári, sem hefur ekki spilað mikinn fótbolta síðustu árin, var kominn í byrjunarlið Stólanna og á bekknum voru auk Arnórs Guðjónssonar þeir Benni fyrirliði (meiddur), Jón Grétar og Jamie þjálfari. Þá voru Jónas Aron, Fannar Kolbeins, Óskar Smári og Hamish Thomson fjarri góðu gamni og loks var Sewa, sem hafði nýverið fundið fjölina sína, kallaður heim til síns liðs. Þá urðu Stólarnir fyrir áfalli strax í byrjun leiks þegar Jóhann Daði varð að yfirgefa völlinn sökum höfuðmeiðsla.
Luke Rae kom Stólunum yfir á 18. mínútu en sex mínútum síðar höfðu heimamenn jafnað með heppnismarki en þar var á ferðinni Askur Jóhannsson. Einar Már Þórisson kom KV yfir á 31. mínútu og staðan 2-1 í hálfleik. Það dró af liði Tindastóls í síðari hálfleik enda lið Vesturbæinga sterkt og vel spilandi. Ingólfur Sigurðsson gerði þriðja mark KV á 53. mínútu og gamla KR-kempan Grétar Sigurfinnur Sigurðarson bætti fjórða markinu við á 67. mínútu. Victor Borade fékk að líta gula spjaldið tvívegis í uppbótartíma og var því vísað af velli en þetta var síðasti leikur hans með liði Tindastóls. Úr meðfylgjandi vítaspyrnu gerði Einar Már annað mark sitt í leiknum.
Sigur KV var sanngjarn, Vesturbæingarnir voru betra liðið í leiknum og það virtist skorta upp á að gestirnir hefðu trú á verkefninu. Næsti leikur Tindastóls er hér heima á laugardaginn gegn liði Augnabliks og gott væri að ná í stig í þeim leik. Lið Tindastóls er fimm stigum fyrir ofan fallsæti þegar flest liðin eiga eftir að spila þrjá leiki. Liðin fyrir neðan Stólana hafa hins vegar verið að krækja í góða sigra upp á síðkastið þannig að stig í pottinn væru kærkomin.
Fleiri fréttir
-
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.